مسير الشمس
كلمات عبدالرحمن الأبنودى
ألحان بليغ حمدى

كلمات الأغنية
مسير الشمس من تاني
تنور فوق سنين عمري
وتصبح غنوة تنساني من تاني
وترجع فرحتي ف صدري
وهايجيني الربيع الأخضر
شباب نشوان بيتمخطر
مسير الشمس يا غالي
============
وبكرة وردتي تطرح
ف يوم ماتعود مع النسمة
حبيبي بكرة راح أفرح
وأتعجب على القسمة
مسير الحب هايجيبك
تشيل الفرحة لحبيبك
وهايجيني الربيع الأخضر
شباب نشوان بيتمخطر
مسير الشمس يا غالي
============
سنة سنتين تغيب عني
لكن تهرب من الشوق فين
وأنا لو ناري تتعبني
راح أتحمل سنة وإتنين
لحد ماترجع الأيام
عليها شمس مش بتنام
وهايجيني الربيع الأخضر
شباب نشوان بيتمخطر
مسير الشمس يا غالي

свернуть