Бүгін Семейде автобус жүргізушілері тағы да бас көтеріп, жолға шығудан бас тартты. Айтуларынша, қазан-қараша айларына тиесілі жалақыларын әлі алмаған. Қала тұрғындары таңертеңнен сақылдаған сары аязда сағаттап автобус күтулеріне тура келді.
Бүгін Семейдің аялдамаларында адам қарасы әдеттегіден тым көп. Әркім өз бағытына баратын автобусын күтіп тұр. Бірі жұмыстан кешіксе, енді бірі діттеген жерлеріне жете алмай жатты. Есесіне таксилер қалта қалыңдатса, кейбірі ақша табудың төте жолын тауыпты.
Аялдамадағы ағайын қалтасындағы соңғы ақшасын таксиге беріп, амалы жоқтар автобус келер деген үмітпен тұрғанда, автобус паркіндегі жүргізушілер де өздерінің жанайқайларын білдіріп жатты. Мұнда еңбекақысын ала алмай жүрген тек қана жүргізушілер ғана емес екен. Бас-аяғы үш жүз адамға жетіп жығылады.
Ал қордаланған мәселелердің барын қала әкімі жоққа шығармайды. Айтуынша, бүгінгі жол жүру құны тасымалдаушы мекемелердің шығынын ақтамайды. Карантин салдарынан қазір жүргіншілер де аз. «Бұл мәселені шешудің жолы – автобус бағыттарын субсидиялау», – дейді Ермак Сәлімов.
Автопарк басшылығы жаңағы айтқан үш жүзге тарта жұмысшыға 80 миллион теңгеге жуық жалақы берешек екен. Бүгін жүргізушілердің наразылығынан кейін ғана қазан, қараша айларының еңбекақысын бере бастады. Топталып тұрғандар тізім құрып, кезекке тұрып, жүздері жадырағынымен мәселенің тек айқаймен ғана шешілетіні өкінішті.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
