ՔՈ ՁԱՅՆԸ [ Ссылка ]
«Ժառանգություն» կուսակցության ներկայացուցիչ, ԱԺ պատգամավոր Զարուհի Փոստանջյանն այսօր լրագրողների հետ հանդիպման ժամանակ անդրադարձել է իր՝ Եվրախորհրդի հերթական նիստին մասնակցելու հանգամանքին և նշել է, որ, չնայած իրեն հերթ չի հասել բանավոր ներկայացնել ասելիքը, այնուամենայնիվ, իր ելույթը ներկայացրել է գրավոր տեսքով: Զարուհի Փոստանջյանը նշել է, որ Եվրախորհրդի հերթական ժողովին անդրադարձ է կատարվել նաև Թուրքիայի հետ կապված և Ցեղասպանությանը վերաբերող հարցերին: Պատգամավորն ասուլիսի ընթացքում անդրադարձել է նաև հայաստանյան ներքաղաքական զարգացումներին և ավագանու ընտրություններին՝ նշելով, որ «Բարև Երևան» դաշինքն ունի մեծ հնարավորություններ` հաջողության հասնելու համար: Փոստանջյանը համոզմունք է հայտնել, որ շատ շուտով իշխող Հանրապետական կուսակցությունը դառնալու է փոքրամասնություն:
