تنبية : 👍🏼
‼️⛔️نسخك للمحتوى او عادة رفعه يعرض قناتك للاغلاق .
إشترك وفعل التنبيهات في قناة المصمم الــــسـاطــي الرسمية للحصول على الجديد
طلب التصميم رابط الواتس مباشر 👇🏻
[ Ссылка ]
تصميم
الساطي - القناة الرسميه
سنابي حياكم الله شرفوني
[ Ссылка ]
#الساطي
لااله الانت يالواحد الفرد المعين
واحدً من قدرته كل شي بسببه
مايخيب دعوتي عالم السر الدفين
الثنا والشكر والفضل له قبل اطلبه
كم شيً ماقدرنا نطوله باليدين
طاله المؤمن (بدعوة لسانه) وجذبه
بري حالي من غثا الوقت وصدوف السنين
كل يوم احصل افكار واخذ تجربه
اتضاهر بسعاده وانا قلبي حزين
كن همي ضيف والضيف صرت معزبه
المغامر هقوته طامعن ف القمتين
في بداياته وناوي على اعلى مرتبه
انتبه من نغزت بليس وبليس اللعين
وهق الفارس وحول على روس اركبه
لاتجي تنضر لوضعي وانا ف الحالتين
ارد العد ارهاوي وسوي معجبه
اقدر اكتب شعر وصرف من ادر الثمين
دام لي ربع ورفاقه وعندي موهبه
حافظ دين ولعداي حافض حاجتين
الذخيره محزمي وسلاح مزهبه
طبعي اني ماهرج في ضهور المسلمين
اكرم ادقون ارياجيل والخصم ارهبه
لو الاعلام اغلبه مايسر الطيبين
اتغابى وتصدد ليا شفت اغلبه
خالفو سلم القبايل وطبع الاولين
اكثر الي ف الوسايل مانعرف مذهبه
الضعيف اقول والله والعنة الوالدين
لو تجيه ام الخلاخيل ثوبه تسلبه
ازهم الي يدحم الوقت بالجنب المتين
لطلبه المعسر يفز له في مطلبه
ابو سلمان ازهمه ف المواقيف ويبين
الفخر والعز والطيب دايم مكسبه
اشهدنه في حياته كسب دنيا ودين
شاعر ورجال والله معرب منسبه
فعل ابن فراج فعلً يسر الناضرين
القبيله شالين حملها في منكبه
لو نقول الطويق بيلين يمكنه يلين
لو كفك ياوسيع البنايد تضربه
انت محزم لابتك والعوارف عارفين
صيتك الشايع يطول النجوم المرقبه
ربعك احمات الجهامه بخشم المارتين
في حماكم ترتع الابل عشاير وجنبه
ياجمالين الزعامه ويالحصن الحصين
عدنا الي لاوردناه صافي مشربه
من سبيع العز ربعي كعام المعتدين
كل نوماسً لمنا حظرنا نكسبه
رفرفي ياراية سبيع والكايد يلين
عزنا الله وانت يبليس ملعون ارقبه
ياسببع انتم هل العرف والعلم اليقين
محزمن لكلح اناب دايم نكربه
ربعي الي حبهم عرق دم وجفن عين
والله ان الموت من دونهم ماستصعبه
فعلنا من ماضي الوقت بسيف السنين
نلطم العايل ونقصر ف دقنه وشنبه
مجدنا يذكر على الجدي ولا الفرقدين
قبل وقت العولمه وصحايف تكتبه
