وه‌فدێكی باڵای بزوتنه‌وه‌ی گۆڕان به‌شداریان له‌دووه‌م ڕۆژی مه‌راسیمی هاوخه‌می بۆ كۆچی دوایی مام جه‌لال كرد له‌شاری سلێمانی و سه‌رۆكی په‌رله‌مانی كوردستانیش ڕایگه‌یاند كۆچی دوایی مام جه‌لال بۆشاییه‌كی گه‌وره‌ی له‌كوردستان و عێراق دروستكرد.
دوانیوه‌ڕۆی ئه‌مڕۆ ڕێكخه‌ری گشتی و ژماره‌یه‌ك له ئه‌ندامانی خانه‌ی ڕاپه‌ڕاندن و هه‌ڵسوڕاوانی بزوتنه‌وه‌ی گۆڕان له‌شاری سلێمانی به‌شداریان له مه‌راسیمی هاوخه‌می بۆ كۆچی دوایی مام جه‌لال سكرتێری یه‌كێتی و سه‌رۆك كۆماری پێشوی عێراق كرد.
له لێدوانێكدا سه‌رۆكی په‌رله‌مانی كوردستان ڕایگه‌یاند نه‌خۆشكه‌وتن و كۆچی دوایی مام جه‌لال بۆشاییه‌كی گه‌وره‌ی له گۆڕه‌پانی سیاسی عێراق و كوردستان دروستكردووه.
یوسف محه‌مه‌د رۆڵی مام جه‌لالی له‌دروستكردنه‌وه‌ی عێراقی نوێ و یه‌كڕیزی و یه‌كخستنی هێزو لایه‌نه سیاسیه ناكۆكه‌كان به‌رز نرخاندو هیوای خواست به‌رپرسانی هه‌رێم و لایه‌نه سیاسیه‌كان به‌یه‌كڕیزی بتوانن بۆشایی مام جه‌لال پڕ بكه‌نه‌وه.
→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
