Lajme Arkiva - TV Klan 2002
Komedia me Papa Gjon Palin II është zhvendosur nga skena e Pallatit të Kongreseve në komisionin parlamentar të medias. Akuzat e ashpra të deputetit demokristian Nikollë Lesi për drejtorin e RTSH Artur Zheji, se ishte përgjegjës për denigrimin e atit të shenjtë, janë fashitur pa pritur.
Zotit Lesi i ka mjaftuar të përdorë përkatësinë e tij fetare katolike dhe të përdorë figurën e Papa Gjon Palit II për të qenë për një ditë protagonist në politikë dhe median shqiptare. Pa rezistuar aspak, ai jo vetëm ka hequr dorë nga kërkesa për shkarkimin e zotit Zheji, por ka pranuar ndjesën e drejtorit të RTSH.
Artur Zheji:- “Dolëm të trishtuar nga humori, i cili për mua kishte ekzagjerime. Ka qenë një keq menaxhim, një keq administrim i lirisë krijuese”.
Nikollë Lesi:- “Edhe nisur nga filozofia kristiane, ose vetë filozofia nga e cila është krijuar shteti i Vatikanit, kur një njeri i penduar ose që kërkon falje nuk mund të pritet një kokë e falur”.
Ky qëndrim nuk është pranuar nga deputeti tjetër katolik Preç Zogaj, i cili në shenjë proteste ka dalë nga mbledhja, duke ruajtur të njëjtat qëndrime për drejtorin e RTSH dhe këshillin drejtues të tij. Me këtë mendim kanë qenë edhe deputetët e tjerë të opozitës, të cilët kanë kërkuar shkrirjen e këshillit drejtues të RTSH.
Edi Paloka:- “Për këshillin drejtues, ne si komision e para, që tani duhet të shpallim shkrirjen e këshillit drejtues, pastaj ata që janë përgjegjës le ta mbajnë vetë sa mund ta mbajnë përgjegjësinë”.
Pajtimi mes Lesit dhe Zhejit është pritur me kënaqësi nga deputetët socialistë të komisionit, të cilët edhe pse kanë dënuar humorin e zhvilluar me Papën, nuk e kanë ngarkuar me përgjegjësi, drejtorin e përgjithshëm të RTSH Artur Zheji. Për të treguar pendesën e thellë, zoti Zheji ka vizituar në mesditë katedralen e Shën Palit në kryeqytet, ku është lejuar të filmojë vetëm RTSH./tvklan.al
Gazetare – Elona Meço
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
