[ Ссылка ]
[ Ссылка ]
[ Ссылка ]
Breshëri ka shkatërruar të mbjellat në fshatin Zvezdë të njësisë administrative Pojan në Maliq. Kanë mjaftuar vetëm disa minuta që shkojë dëm më shumë se 70% e mollëve në një sipërfaqe jo të vogël të këtij fshati, ashtu sic ka shkaktuar dëme edhe në grurë e vreshtari.
Në kulturat e tjera bujqësore, dëmet edhe për vetë fermerët janë të rikuperueshme.
Nevruz Tace tregon se nga breshëri ka humbur pothuajse të gjithë prodhimin e grurit, të mollës dhe vreshtat, për të cilët kishte shpenzuar gjithë të ardhurat e familjes dhe tashmë ndihet i pashpresë.
E njëjta gjë ka ndodhur edhe me shumë fermerë të tjerë të të njëjtit fshat.Administratori Eridjon Rustemi ka bërë me dije se do të ngrihet një grup pune për të verifikuar gjendjen e të mbjellave dhe dëmtimet e shkaktuara nga breshëri dhe më pas i gjithë dokumentacioni do i dërgohet autoriteteve për dëmshpërblim.
Dëme nga breshëri ka pasur edhe në fshatra të tjerë të Bashkisë së Devollit si dhe në në pemëtoret e qershive në Dvoran të Korcës.
------------------------------------------------------------------
Subscribe: [ Ссылка ]
