30 sentyabr 2023-cü il tarixində "Technest" təqaüd proqramı çərçivəsində icra etdiyimiz "Karyeranı Yüksəlt" proqramının məzunları ilə ikinci dəfə "Code8" hakatonu keçirildi.
SetClapp-ın baş sponsorluğu, RISK Company şirkətinin təşkilati dəstəyilə həyata keçirilən hakatonda iştirak edən 74 məzun UX/UI dizaynerlər, front-end, back-end və mobil tətbiq üzrə proqramçılar, data və kiber təhlükəsizlik mütəxəssislərindən ibarət 6 komandaya bölünərək 8 saat ərzində real layihə üzərində işlədilər.
Finalda ən çox balı yığaraq, qalib olan komanda isə Proxies komandası oldu. Bu həyəcandolu marafonda iştirak edən hər bir məzunumuza gələcək karyeralarında uğurlar arzu edirik!
