Біріккен Ұлттар Ұйымы былтыр азық-түлік тауарларының әлемдік бағасы соңғы үш жылда ең жоғарғы көрсеткішке жеткенін мәлімдеді. Ал, 2030 жылға қарай сұраныс жоқ дегенде 35 пайызға артады. Бүгін, Жоғары еуразиялық экономикалық кеңестің отырысында Елбасы Нұрсұлтан Назарбаев: "жуырда азық-түлік тапшылығын міндетті түрде сезінеміз" деді.
Азық-түлікке зәру болып қалмау үшін Елбасы: "бұған дейін айтылған кооперацияларды тездетіп құрып, бизнесті дамыту керектігін" айтты. Нұрсұлтан Назарбаев "қазір мемлекетаралық қарым-қатынастар нашарлап, кедергілер көбейгенін" тіпті, Еуразиялық экономикалық одаққа мүше елдердің тығыз жұмыс істеуін қаламайтын күштер де бар деді. Елбасы бүгін: "Еуропа мен Азия нарығына шығу үшін бұл іске Шанхай ынтымақтастық ұйымын да кірістіруді" ұсынды. Ал, Қазақстан Президенті Қасым-Жомарт Тоқаев: "одақтас елдер әлі де іс-әрекетті күшейтпесе бірыңғай нарық қалыптаспайды" дейді.
ҚАСЫМ-ЖОМАРТ ТОҚАЕВ Қазақстан Республикасының Президенті
– Жыл басынан бері әлемдік азық-түлік бағасының индексі 116 тармақты құрады. Әлемде қымбатшылық байқалады. Бұл алаңдарлық жағдай. Одаққа мүше елдердің әрқайсысы азық-түлік өндірісін арттыра алады. Дегенмен, ішкі нарықты қорғау үшін енген қазіргі шектеулер агроөнеркәсіп кешенінің дамуын тежеп, азық-түлік тапшылығына алып келуі мүмкін. Сол үшін бірелсе жұмыс істеп, ортақ нарықты жандандыруымыз керек.
7 жыл бұрын құрылған Еуразиялық Экономикалық одаққа қазір Қазақстан, Қырғызстан, Ресей Федерациясы, Армения мен Беларусь мүше. Бүгінгі кеңеске Өзбекстан мен Куба республикасының Президенттері бақылаушы мемлекет басшылары ретінде қатысты.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#ЕуразиялықЭкономикалықКеңес #одақтас_елдер
