هل احتاج مدربأو مدرّبة ؟
في البداية خلينا اول نجاوب على سؤالين أهم يوصلونا لجواب السؤال الرئيسي ...
١/هل أنت عندك اساسيات التمرين والتغذية ام لا ؟
٢/هل عندك هدف ( أكيد كل واحد عنده؟؟)
اقصد هل بتشارك في بطولة او لا ؟ هل عندك وقت معين انت تبغى توصل الى مستوى معين في مدة ( شهرين مثلا) لان عندك حفلة او زواج او ....الخ ؟
أعتقد أن من خلال الإجابة على السؤالين السابقين ...عرفنا جواب السؤال الرئيسي ...
ولتوضيح الجواب خلينا نعطي ٣ سناريوهات وامثلة علشان نوضح فكرتنا اكثر...
١/ إذا انت ماعندك اساسيات او معلومات كفاية كيف راح تعتمد على نفسك ...أكيد بتحتاج الى شخص ( مدرب )
طبعا ممكن تقول أنا بثقف نفسي وبقرأ وبشاهد ڤيديوهات...هذا شئ ممكن وناس كثير قدرت تسويها ...لكن ....حط في بالك انك راح تاخذ وقت ...ووقت طويل
٢/ انت عندك معلومات كثيرة وفاهم وعارف الاساسيات ومابتجهز الى بطولة ولا مستعجل ...خلاص انت ماتحتاج مدرب اصلا.
٣/ انت عندك معلومات وفاهم وعارف الاساسيات وتبغى تجهز الى بطولة ...انت هنا محتاج مدرب ...نعم...و خلينا نقول على الاقل واحد فاهم ( مش اقل منك) يشيك عليك ...لأنك محتاج عين خارجية غير عينك ....عيونك ماتكفي تدري ليش ...عيونك تتعود على جسمك لانك تشوف نفسك كل يوم لدرجة انك توصل لمرحلة انك ماتشوف العيوب او الاشياء اللي محتاجة التغيير.
والدليل ان أحيان يشوفك شخص من فترة مو شايفينك و يقول الك ماشاء الله ( ضعفان ، متنان ، متغير ، جسم حلو ....الخ)
الخلاصة
إذا ماعندك معلومات ...تحتاج
إذا بتشارك في بطولة ...تحتاج
إذا عندك عندك معلومات ...لاتحتاج
إذا مابتشارك ولا انت مستعجل...لاتحتاج
نصيحة اخيرة
قبل لاتشترك وتروح الى اي مدرب ..تأكد تأكد من صدقه أولاً وأخيرا ...لان هاذي النقطة ممكن ترفعك في السماء وممكن تنزّلك تحت الأرض.
في الختام
إذا أعجبك الڤيديو و استفدت من المحتوى المقدم شاركه غيرك.
و لاتنس الإشتراك في القناة (اعجاب ، اشتراك) وتفعيل جرس التنبيهات ليصلك الجديد أولاً بأول.
ولاتتردد بترك تعليقك في الأسفل ...ولك تحياتي
ولمتابعتي على
سناب شات Belal_alza
انستقرام Belal_alzayd
