Молитва-песнь Пресвятой Богородице Хвалебная Благодарственная..

Тебе,Матерь Божию,хвалим;
Тя,Марие,Деву Богородицу,исповедуем;
Тя,Превечнаго Отца Дщерь, вся земля величает.
Тебе все Ангели и Архангели и вся начало смиренно служат;
Тебе вся Власти,Престоли,Господствия и вся Превышния Силы Небесная повинуются.
Тебе Херувима и Серафими радующиеся предстоят и непрестанным гласом вопиют:Святая Богородица Мати,полны суть небеса и земля Величества Славы Плода Чрева Твоего.
Тебе преславный апостольский лик Своего Творца Матерь восхваляет;
Тебе мучеников множество Богородицу величает;
Тебе преславный исповедников сонм Бога Слова храм нарицает;
Тебе господственнии полцы девства образ проповедуют;
Тебе вся небесная воинства Царицу Небесную восхваляют.
Тебе по всей Вселенной Церковь Святая прославляет,Матерь Божию почитающи.
Тя истинного Царя небесного отроковицу превозносит.
Ты еси Ангелам Госпожа.
Ты еси райская дверь.
Ты Лествица Царствия Небесного.
Ты Царя славы чертог.
Ты ковчег благочестия и благодати.
Ты еси бездна щедрот.
Ты еси прибежище грешных.
Ты Мати Спасителева,Ты освобождения ради пленнаго человека,Бога восприняла еси во чреве.
Тобою попран бысть враг;
Ты отверзла еси верным двери Царствия Небесного.
Ты одесную Бога стоиши.
Ты Бога за нас молиши,Дево Марие,Иже будет судити живым и мертвм.
Тя убо просим,Заступницу перед Сыном Твоим и Богом, иже кровию Своею нас искупи,да мзду восприимем в вечной Славе.
Спаси люди Твоя, Богородице,и благослови достояние Твое,Яко да будем причастницы наследия Твоего,упаси и соблюди нас даже до века.
На всяк день,о Пресвятая,хвалити и ублажати Тя желаем сердцем и устами.
Сподоби,Премилосердная Мати,ныне и всегда от греха сохранить нам,Помилуй нас,Заступнице,помилуй нас.
Буди Милость Твоя на нас,яко же на Тя уповахом во веки. Аминь.

свернуть