جو بايدن كان في لقاء على قناة سي إن إن الأمريكية وقالك إن الرياض وتل أبيب قدامهم طريق طويل لغاية ما يوقعوا اتفاق تطبيع مع بعض وإن الموضوع مش هيخلص في يوم وليلة .. ولسه في حاجات كتيرة بتناقش فيها وموصلناش لنتيجة بخصوصها .
كمان بيقولك إنه مش شايف إن السعوديين عندهم مشاكل كبيرة مع تل أبيب والدنيا ما بينهم كويسة الفترة الأخيرة ومفيش حاجة تخليهم يعملوا مشاكل مع بعض .. لكن التوقيع على اتفاق سلام لسه قدامنا شوية عكس ما كان بيتقال إنه ممكن يحصل آخر السنة .
أما بخصوص موضوع مساعدة أمريكا للمملكة العربية السعودية في تطوير البرنامج النووي بتاعها .. فالرئيس الأمريكي قال تصريح صادم جدا وهو إن أمريكا مش ناوية تساعد المملكة في الموضوع ده .. وإنه لسه قدامنا وقت طويل علشان يتحقق .
وده نفس اللي قاله لما مذيع سي إن إن سأله عن إمكانية تنفيذ شرط المملكة بتوقيع اتفاقية دفاع مشترك مع أمريكا لضمان أمنها .. وقال كده بالنص "نحن بعيدون جدًا من ذلك، لدينا الكثير لنتحدث عنه" .. يعني بالبلدي كده بايدن بيقولك إن أمريكا مش هتنفذ شروط السعودية ولسه في حاجات كتيرة عاوزين نتكلم فيها معاهم قبل ما نوافق على الشروط دي .. وبالتالي ده معناه إننا مش هنشوف تطبيع بين الرياض وتل أبيب في عهد بايدن زي ما كانت الإدارة الأمريكية عاوزة إنه يخلص قبل نهاية السنة دي وقبل معمعة الانتخابات الرئاسية الأمريكية .
على الناحية التانية بقى بايدن اتكلم عن زيارته الأخيرة للمملكة العربية السعودية واللي ناس كتيرة انتقدته بسببها .. طب قال إيه عليها .. بايدن قالك إنتوا ليه بتنتقدوني علشان روحت زرت السعودية .. بالعكس أنا الزيارة دي حققت فيها أهداف كويسة وحاجات مكنتش ممكن تتحقق بسهولة .. طب زي إيه يا عم بايدن .. قالك زي إني قدرت اتفاوض حوالين الرحلات الجوية للإسرائيليين في المجال الجوي السعودي .. وبقى متاح دلوقتي إن الطائرات الإسرائيلية تطير فوق السعودية من غير أي مشاكل عكس الأول كان ممنوع الكلام ده .. كمان الزيارة دي ساهمت في استمرار الاستقرار والسلام في اليمن بعد ما كانت الحرب هناك طاحنة والناس بتموت كل يوم والمشاكل بتحاصر البلد من كل مكان .. يعني زيارتي للسعودية مكنتش سيئة وكان ليها فوائد كتير .. أما بخصوص رفض السعودية طلبي بزيادة إنتاج النفط فأنا عاوز أقول إن سعر النفط دلوقتي انخفض من غير حاجة .. وده بسبب السياسة بتاعتنا في الاعتماد على الطاقة المتجددة وإننا مبقناش محتاجين النفط بقوة زي زمان .
طبعا كلام بايدن يعتبر صادم لنسبة كبيرة من السعوديين .. لأنهم كانوا حاطين أمل كبير على موافقة أمريكا .. لانه لما يقولك أنا مش هساعدكم في تطوير البرنامج النووي وإن الموضوع ده قدامه وقت طويل جدا علشان نوافق عليه .. فده معناه إنه بيرفض طلبات المملكة وكأنه مش مهتم بالحاجة اللي بتقولها المملكة .. وده طبعا محتاج رد كبير من السعودية علشان بايدن يعرف حجمه كويس .
يمكنك الانضمام للقناة كاعضو منتسب من خلال الرابط المرفق
[ Ссылка ]...
وشكر خاص من اسرة قناة اسرار تي في لانضمامك
**************************************************************************
لدعم القناة من خلال موقع باي بال
bit.ly/3vm2zS6
**************************************************************************
#ولي_العهد_السعودي
#بايدن
#السعودية
#السيسي #الجيش_المصري #اخبار_مصر#أمريكا #السعودية #الإمارات #قطر #روسيا #روسيا_اوكرانيا #الكويت #البحرين #الرئيس_السيسي #سامري #اخر_الاخبار #الجزيرة #العربية #سكاي_نيوز_عربية #اخبار_عربية #اخبار_العالم #اخبار_اليوم #المملكة_العربية_السعودية #الخليج #سوريا #فلسطين #إثيوبيا #سد_النهضة #مصر #الاقتصاد #المغرب #الجزائر #العراق #الأردن #تركيا #القاهرة #الرياض #أبوظبي #أخبار #الصين #الرياض #لبنان #ليبيا
