قال شاعر ياهجوسي اكتبي
دام النماره في مقاديم الصفوف

وارحبي با الشهم ثم ارحبي
الجابري عنوان ملفات الكشوف

عنواني الليله وللكفو الوفي
كل القوافي له مطيعه والحروف

ذي لصعيبه في زمانه محتبي
قد ذاع صيته فالبوادي والكهوف

الكل معه في سلم ولا تلتضي
الجمع وافر والميازر عالكتووف

بك يالسنافي بالشهامه نقتدي
ياراعي الوقفات لفعالك نشووف

وانته لها مقدام يالحيد القوي
واحنا سند قدام لتنفيذ الشفوف

ذافصل والثاني نغم ياهاجسي
دق التحيه لمن في النقطه وقوف

لكم ياحماه الدار مني معتني
قبله على روس النشاما والسعوف

عا لموت الاحمر كلنا بانرتمي
لاجل الكرامه كل بوحضرم وقوف

يااما حياه العز وينفذ مطلبي
ولا سلامن ما على الدنيا حسوف

والحضرمي للسلم دايم ينتمي
اهل الحضاره والحوافز باالالوف

معتلين المجد اهله من بطي
يا ناشد التاريخ تكفيك الوصوف

ولامن وعد وعده لملزومه يفي
ولاهتزت الشنبات يعاكس لضروف

ان جيتهم بالطيب طيبه منتهي
وفي ساعه الشده خناجر والسيوف

والله يذوق المر كل من يعتدي
على شبر واحد للسلامه مايشوف

با البوفتيله والمشوك بيكتوي
بنيران حمرى با يبيت في الحوف

ك راكان الجوهي

свернуть