Ministrja Kushi: Testi i automatizuar i mjekësisë do të këtë 30% të pikëve totale
Matura shtetërore , do të ketë një sërë risish. Ministrja e Arsimit Evis Kushi gjatë takimit me maturantët e Elbasanit ka thënë disa prej tyre.
“Do heqim fletë-përgjigjen, për të mos i ngatërruar as nxënësit, as ata që bëjnë korrigjimet. Këtë vit kemi menduar që të zgjedhim salla të mëdha, hapësira të mëdha ku të jetë vendosur një numër më i madh maturantësh dhe natyrisht një numër më i madh mësuesish, monitoruesish, administruesish ku rreziku për të patur problematika që lidhen me komunikimin me njëri-tjetrin, komunikimin me mësuesin, apo ndonjë parregullsi tjetër që është e ndaluar në rregullore, është më i ulët”, ka thënë Kushi.
Ministrja Kushi ka sqaruar edhe mënyrën se si do bëhet rivlerësimi i testit.
Për futjen e provimit të automatizuar në degën e mjekësisë së përgjithshme Kushi tha se si do jetë ndarja e pikëve.
“Kemi menduar t’i japim 30% peshë në vlerësim. Pra 70% do të jetë nga notat e tre viteve dhe provimeve të maturës, sipas formulës që është sot në fuqi, ndërsa 30% do ta ketë provimi i automatizuar. Fondi i pyetjeve tashmë është duke u përgatitur. Pyetjet do të jenë për lëndët biologji, kimi dhe fizikë, të cilat lidhen më shumë programin “Mjekësi e Përgjithshme”, është shprehur ministrja.
Këto ndryshime kanë të bëjnë me maturantët që do të hyjnë në provimet e maturës shtetërore 2023.
Klan News
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
