كەركوك: پارتی و یەكێتی بێدەنگن لە تەعریبی ناوچە كوردستانییەكان
كەركوك: نوێنەرانی پارتی و یەكێتی لەبەغداد شەڕ لەسەر پۆست دەكەن نەك كەركوك
ڕۆژ لەدوای ڕۆژ لێكەوتە خراپەكانی ڕیفراندۆم و 16ی ئۆكتۆبەر لەسەر ژیانی كەركوكییەكان زیاتر دەركەوێت‌و شەپۆلێكی فراوانی تەعریب دەستیپێكردوە. بەوتەی ئەندامێكی لیستی برایەتی لەئەنجومەنی پارێزگای كەركوك، ئیدارەی شارەكە كارئاسانی دەكات بۆ گواستنەوەی فۆرمی خۆراك لەپارێزگاكانی تری عێراقەوە.
ڕۆژ لەدوای ڕۆژ لێكەوتە خراپەكانی ڕیفراندۆم و 16ی ئۆكتۆبەر لەسەر ژیانی كەركوكییەكان زیاتر دەبێت.
لەدوای ئەو بەروارەشەوە شەپۆلێكی فراوانی بەعەرەبكردن و دەركردنی ئەفسەرو لێپرسراوانی كورد لەپۆستەكانیان دەستیپێكردوە. ئەندامێكی لیستی برایەتی لەئەنجومەنی پارێزگا هەوڵێكی ئیدارەی كەركوك بۆ گواستنەوەی فۆرمی خۆراك لەپارێزگاكانی تری عێراقەو بۆ كەركوك ئاشكرادەكات.
تەنها لەم مانگەدا لەپاڵ بێ دەنگی دەسەڵاتدارانی هەرێم، كورد لەكەركوك 15 پۆستی بەڕێوبەرو لێپرسراوی بەشی فەرمانگەكانی لەدەستداوە.
دوای هەڵهاتنی كامیل ساڵەیی قایمقامی ناوەندی كەركوك بۆهەرێم، ئیدارەی نویێ شارەكە شوێنەكەی بەفەلاح یایچلی كە لەنەتەوەی توركمانە پڕكردەوە. بەوتەی ئەو قایمقامە نوێیە هەرچەندە ئەو ڕێكارانە ئاسان ئەنجام نادرێن بەڵام لەئەرزی واقیعدا مامەڵەی گواستنەوەی فۆرمی خۆراك كراوە بۆ دەیان خێزان و كارمەندی ناوخۆ بۆ كەركوك .
ئێستا پێكهاتەی كورد لەكەركوك دۆخێكی دژوارو كارەساتبار بەڕێدەكات‌و باجی هەڵەی سیاسەتی جوت حزبی دەسەڵات دەدات‌و ئایندەی شارەكەش كراوەتە قوربانی ململانێی حزبی و بەرژەوەندی‌و پۆست، بەجۆرێك ئەوەی ئێستا لەبەغدا شەڕی لەسەر ناكرێت‌و باسی لێوە ناكرێت، پرسی كەركوكە.→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
