[ Ссылка ]
Эцсийн тушаал жүжгийн дуу
Үг Д.Норов Ая Ц.Чинзориг
Хүлгийн сайныг унасан юм сан
Хүний дээд нь явсан юм сан
Хүүгээ үнсэж амжаагүй юм сан
Хүслээ гүйцээж чадаагүй юм сан
Наран зүгээс чамайгаа ирнэ ээ гэж
Насаа марттал хүлээж суугаа
Амьдралд мөнхөрсөн амраг минь ээ хө
Ээжийн аавын энхрийхэн юм сан
Эгэлхэн зөөлхөн зантай юм сан
Эргэж уулзахаар болзсон юм сан
Элгээ дэвттэл учирна гэсэн сэн
Халхын голоос чамайгаа ирнэ ээ гээд
Хатуу орчлонг зөөллөн хүлээлээ
Хайранд мөнхөрсөн амраг минь ээ хө
Уулын уснаас амссан юм сан
Усны чулуунаас авсан юм сан
Уужим саруул ухаантай юм сан
Уртын дуундаа хайртай юм сан
Ялалтын морьтой чамайгаа ирнэ ээ гээд
Янагийн дуугаа дуулж суугаа
Амьдралд мөнхөрсөн амраг минь ээ хө
