.
.
لايك + اشترك معنا 🔔✔️
وفعل التنبيهات في قناة عناد الشيباني الرسمية
للحصول على أحدث إصداراته الفنية
[ Ссылка ]
ـ
كلمات : عناد الشيباني
أداء :
هندسة :
تسجيل استوديو :
تصميم : ناصر البقمي Nasser I
__
لمتابعة عناد الشيباني عبر وسائل التواصل الإجتماعي
Twitter : [ Ссылка ] تويتر
Snapchat : [ Ссылка ] سناب شات
- كلمات -
ياجعل السحاب اللي سقى كان بالامطار
تسوقه علينا الريح .. وايغيثنا وبله
سحابٍ مثل وصف ابو نايف يعم الدار
يرجع لخد الرقّه .. الملح والقبله
ليا هل وبله عود القاع مثل الطار
وهو صار مثل اللي يبي يحمي الطبله
يبل الكبود اللي زمنها عليها جاار
ويشرح صدورٍ صارت اضيق من الدبله
نداري .. حياةٍ كنها " شجرة الصباااار
نبيها تزين .. وتطلع الين من الربله ..!
غرابيلها واحداثها كل يوم إصدار
تبيح خفا الصاحي وتضحك على الابله
وحنا تحت رحمة من يدبر الاقداار
نعرف ان مال إبنادم الا ما يكتب له
مع ان الحياه بكبرها تعتبر مشوار
وبعض العرب مدري على ويش يتعب له
احد يبلش بعمره ليا طاح في دوار
واحد يطلع من ظروفه اللي تسبب له
قطعنا مسافاتٍ طويله من الامتار
وشفنا لنا حاجات مهيب منقبله
من يعيش سالم في حياته من الاضرار
ماهو مثل من قامت حياته تعرقب له
وانا ماوصلت الا بعد حالة استنفار
وشيٍ منه كبدي لهالحين مندبله
لو انّا من الايام .. نقدر نرد الثااار
تقاضيت من يومٍ لعب فيني السبله
وهالحين عاد ابااا اتمعتع بـ الاستقرار
وارد النداء لـ اللي من الشوق منهبله
عقب ما شهد لي شاعرٍ يلفت الانظار
ابن عون عبدالله .. لا بعده ولا قبله
وش يردني لا اشوف نفسي على الشعار
( عتيبي وداري فوق .. وانحيتي قبله )
هو الشاعر اللي بالسلاسه وبالافكااااار
تودد له .. حروف القصايد وتلعب له
ليا قال : بيت حبال صوته تصير اوتار
يعزف القصيد اللي هل الذوق تطرب له
لو ان القصايد مثل ما قيل صدق امهار
لقينا الصويتيات .. مغير فـ اسطبله
ولو ان القصايد مثل ما قيل صدق ابكار
لقينا سلالة كل عوني عمود ابله
جليس الملوك وسيفنا الصارم البتاار
مقامه عزيز .. وكل حاكم يرحب له
وحنا لو انّا .. نقدر انرجع الاعماار
عطيناه عمره في شفا نجد والعبله
بوقتٍ مضى يوم المقاطين والمخضار
على ايامه اللي حسب ما يذكره قبله
مع انه اليا هالحين ما يقبل التكرار
تجدد بنات افكاره تقول : تنصب له
واذا قيل ليه يفك طيره وهو صقار
نقول ان هذا الشي بالعكس يحسب له
يعرف ان عنده غير طيره هذاك احرار
عيالٍ حداهم .. يفتخر يوم ينسب له
تراحيبهم لـ الضيف دايم شرار ونار
توسع صدورٍ من غثى الوقت مندبله
ليا اوحيتها تاصل لقلبك بدون انذار
تقول : انها ما مرت الاذن والطبله
وابن عون رمزٍ .. ما نقدم له الاعذار
ليا مد حبل الوصل ما احدٍ قطع حبله
حضرنا عشانه من معزه ومن مقدار
نبي نحتفل من فرحته في حفل شبله
محمد محمد طيب الصيت والاذكار
عزومه على حب النواميس منجبله
اخو مشعل اللي فزعته وقعها جبار
يبشر به اللي حظه الشين ناشب له
لامنك نصيته قال كل الكبار صغار
ما تحتاج حتى واسطة شخص يقرب له
لو انجمع اللي سدده عقب المليار
بجاهٍ صعيبات الدعاوي تهذب له
واخونا محمد والله ونعم سبع مرار
وحفله قبل شهر رمضان انترقب له
هو اللي اليا منا مدحناه ما نحتاااار
لو اتشيب الافكار قامت تشبب له
بفعله وبـ اسمه من بنات العرب يختار
توافق عليه البنت من حين تخطب له
محبته لـ الوقفه ولـ العز والاصرار
تعدت محبة عنتر العبسي لـ عبله
من ابسط حقوقه لو يكوع على سنجار
عريب المجاني ما تجي هقوته خبله
من العزوه اللي صيتهم ماعليه غبار
تعز الرفيق .. وتلطم الخصم وتهبله …!
الاد المروح .. روس قومٍ طوال اشبار
تعدل الامور اللي من الوقت منعبله
ولدهم يسوق الروح عند اول الاسعار
بسوق المنايا يوم الارواح تجلب له
صدى سيرة الروسان منها النجوم تغار
وتاريخهم من طيبهم مبعدٍ شبله
اهل ماضي وحاضر وطاله وصيت وكار
واهل طاريٍ .. لا مره النعم وجب له
واهل وسمٍ اصبح ماركه للبدو واشعار
ليا حطه الوبال في ابله تزين ابله ..!
