Ish i dërguari i Shteteve të Bashkuara të Amerikës, për dialogun mes Kosovës dhe Serbisë, Richard Grenell është dekoruar nga Beogradi zyrtar nëpërmjet një ceremonie të mbajtur në presidencë.
Ka qenë presidenti serb Aleksander Vuçiç që i ka dorëzuar Grenellit Urdhrin e Flamurit Serb, me motivacionin e shërbimeve të dalluara në zhvillimin dhe forcimin e bashkëpunimit mes Serbisë dhe Shteteve të Bashkuara të Amerikës.
Vuçiç e cilësoi Grenellin një mik të vërtetë të Serbisë dhe të gjithë rajonit, teksa nuk ngurroi të theksojë ndikimin e tij të madh në përmirësimin e raporteve të Beogradit zyrtar me ShBA-të.
“Richard Grenellit jo vetëm që kontribuoi në paqen dhe stabilitetin rajonal, por gjithashtu luajti rol thelbësor në përmirësimin e marrëdhënieve mes Serbisë dhe SHBA-së. Mandati i tij si njeri për dialog tregoi mprehtësinë e tij, por edhe aftësinë e tij diplomatike dhe mbi të gjitha gatishmërinë për t’i dëgjuar pikëpamjet e palës tjetër, edhe pse nuk ishte gjithmonë dakord. Ai tregoi diçka që pothuajse nuk kemi mundur të shohim në bashkësinë ndërkombëtare – objektivitet, ndershmrëi intelektuale e politike dhe konsistencë”, tha Vuçiç.
Nga ana tjetër, Grenell solli në vëmendje faktin që ishte ideja e ish-presidentit Donald Trump, që të vinte fokusin te ekonomia para politikës, teksa u mburr me faktin që një nderim i ngjashëm i është bërë edhe në Kosovë nga Hashim Thaçi.
“Faleminderit për mirësinë tuaj dhe dua të them se më vjen keq që nuk keni një partner si Thaçi që mund të çojë përpara gjërat që po negociohen”, tha Grenell, I cili nuk i kurseu kritikat për Albin Kurtin.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Grenell#Vuçiç

свернуть