Lajme Arkiva 2006
Lufter Xhuveli shprehet i kënaqur nga bashkëpunimi me Partinë Demokratike duke cilësuar koalicionin qeveritar funksional.
Kryetari i agrarëve gjatë komitetit drejtues të partisë së tij tha se do të bashkëpunojë me demokratët edhe në zgjedhjet e afërta vendore vetëm atje ku do të ketë hapësira për kandidatë të përbashkët bashkish e komunash.
Lufter Xhuveli: “Bashkëpunimi do të ndërtohet duke patur parasysh specifikat e zgjedhjeve lokale. Kjo do të thotë se për zgjedhjen e këshilltarëve secila parti do të konkurrojë më vete me synimin që të marrë maksimumin e mundshëm të votave si parti dhe të këshilltarëve. Kjo do të shërbejë edhe si test për të vlerësuar peshën politike të çdo partie më vete, ndërsa për kandidimin për kryetar bashkish dhe komunash ka hapësira të mjaftueshme bashkëpunimi dhe për mbështetje reciproke midis forcave të koalicionit, por këto ne do të propozonim të jenë objekt bisedimesh dhe vendimmarrje në një kohë të dytë kur të jemi më afër fushatës zgjedhore.”
Xhuveli ka reaguar kundër vonesave në përgatitjen e zgjedhjeve të afërta lokale duke thënë se krijimi i komisionit parlamentar për ndryshimin e ligjit të zgjedhjeve duhet të sigurojë veton e partive të vogla.
Lufter Xhuveli: “Presidenti ka në dispozicion të gjithë strukturat e nevojshme dhe institucionet me të cilat mund të këshillohet dhe pastaj të vendosë të shprehet se kur do të bëhen zgjedhjet. Duke mos qenë e domosdoshme të caktohet qysh tani data fikse, por të paktën të njoftohet periudha ose muaji. Për këtë janë të interesuar si partitë politike ashtu edhe organet drejtuese të komunave dhe bashkive të cilat do të jenë objekt i zgjedhjeve.”
Agrarët që bashkëqeverisin në kabinet edhe me republikanët thonë se debati për zgjedhjen e presidentit të republikës është i parakohshëm./tvklan.al
Gazetare: Sonila Agostini
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
