#rrezedielli #reporttv

Byrek me presh dhe oriz

500 gr miell
250 ml ujë
1 kg presh
3 lgj oriz
2 gota ujë
2 kokrra vezë
2 gota qumësht
Vaj ulliri
Kripë, piper, nenexhik

Realizojmë fillimisht brumin duke trazuar miellim me pak kripë, dy lugë vaj ulliri dhe 250 ml ujë. E trazojmë me dorë derisa të formohet një brumë i butë. Më pas lyejmë duart me pak vaj ulliri dhe fërkojmë sipërfaqen e brumit, e mbështjellim me qese kuzhine dhe e lëmë mënjëanë sa të përgatisim mbushjen. Preshin e lajmë mirë, e grijmë hollë, e vendosim në tenxhere duke i hedhur pak kripë dhe gjysmë gote ujë. E lëmë në zjarr me kapak derisa të ulet volumi i sasisë dhe të ketë pirë të gjithë ujin. Më pas shtojmë orizin dhe 1 gotë të madhe me ujë. E lëmë në zierje për rreth 15 minuta, më pas shtojmë 3 gj vaj ulliri dhe erëzat. Ndajmë brumin në 8 toptha të vegjël dhe hapim petët duke i spërkatur me niseshte. Shtrojmë petën e parë, e spërkasim me vaj ulliri, vendosim 4 petët e tjera duke i spërkatur me vaj, shtrojmë preshin me oriz, vendosim petët e tjera dhe palosim anët e byrekut me duar. Qumështin e rrahim me vezët dhe ia shtojmë sipër byrekut, e vendosim në furrë të parangrohur të piqet në 200° për 35-40 minuta.


“Rreze Dielli”, miqësisht ngrohtë e plot dritë vjen çdo ditë, nga e hëna në të premte, ora 9:00.
Për rreth dy orë, ju shoqërojmë me receta të shijshme, si dhe me miqtë e ditës që kanë histori për të treguar a këshilla për të ndarë. Kthim pas në kohë dhe zhytje mes kujtimesh në rubrikën nostalgji. Një ftesë e përditshme nga “Rreze Dielli”, që nuk duhet humbur, për një nisje të ditës plot emocione dhe buzëqeshje!

свернуть