جدایی آبه و دختر چه سخته
الیگو دود تمباکو چه تلخه
********************
خوارو سر این قصه دیرازه
منی آبه و دختر خیلی رازه
نموفامی تو که دختر کی استه
معمای ازین دفتر چی استه
آبه میدنه که رنگ شی بی طووره
ده دیل کوتو مونه که رای شی دوره
دوصد توره دره گفته نمیتنه
پیش سیال کالا شوشته نمیتنه
خوراک شی نیم شو پگ مندغویه
موگن ای جنس دویوم پورته غویه
نه کس پرسو مونه جوری تو ناجور
قدی یک تی جگی ده لب او خور
آبه میدنه که دختر جنس اویه
از تی دیل موگن گه رو ده رویه
قلفی ای دیله گاهی واز موکونه
فقد آبه یه قد شی راز موکونه
جیدایی آبه و دختر چه سخته
الیگو دود تنباکو چه تلخه
شعر و تدوین: قایمی زاده
اجرا: فرحناز علی رسولی و نظیفه علی زاده
موسیقی: عظیم رضایی
کمپوز و تنظیم نصیر احمد سهرابی
تخنیک سخس راسخ
عکس و فیلم معصومه عزیزی
