تجربة التوقف عن تناول السكر لها نتائج مذهلة وبتظهر بسرعه بعد اول اسبوع
لو بتعاني من الجوع دايما
لو وزنك زايد ونفسك تخس
لو عصبي وتركيز مشتت
عندك ضغط مرتفع وكوليسترول
عندك أعراض مقاومة الانسولين زي الكبد الدهني او تكيس المبايض
مريض سكر نوع تاني وقياس السكر الصائم مرتفع والفاطر كمان و السكر التراكمي اكتر من ٧
عندك الام فالعظام والتهابات في المفاصل
كل المشاكل دي تقدر تتخلص منها بسهولة بخطوة واحدة بس وهي التوقف عن تناول السكر لمدة اسبوع
الجسم بيمر ب٣ مراحل للتخلص من إدمان السكريات والنشويات
المرحلة الأولى وهي مرحلة الأعراض الانسحابية التوقف عن السكر وبتظهر فيها اعراض التوقف عن السكر زي الصداع والدوخه وقلة الطاقة والمجهود وعدم انتظام النوم والارق
بتسمر مرحلة الأعراض الانسحابية للتوقف عن السكريات لمدة ٣ الي ٥ ايام ويدخل الجسم بعدها في مرحلة التعود على قطع السكريات والنشويات نهائيا وتبدأ تقل الرغبة في تناول السكر وتتغير حاسة التذوق
بعد اسبوع من تجربة الامتناع عن السكر تبدأ تظهر نتيجة الامتناع عن السم الأبيض وبتلاحظ ٧ نتائج مذهلة
اولا بيفقد الجسم السوائل المحبوسة وبيقل الوزن بشكل ملحوظ في الاسبوع التاني بعد التوقف عن السكر وبيقل محيط الوسط وببدأ الجسم يعتمد على الدهون المخزن في الكبد والعضلات ويبدأ يتخلص الجسم من الكبد الدهني والكرش
ثانيا بتتحسن الحالة المزاجية وبتقل العصبية بشكل ملحوظ وده بيساعد في علاج الاكتئاب للأشخاص اللي بيعانوا منه
ثالثا بيقل الارق ويتحسن النوم
رابعا بيتحسن قياس السكر في الدم وبيكون واضح في القياسات اليومية للسكر سواء لقياس السكر الصايم او السكر الفاطر
خامسا بتقل مستويات الكوليسترول والدهون الثلاثية الضارة وده بيقلل احتمالية الإصابة بأمراض القلب والسكتات الدماغية
سادسا هتزيد نضارة البشرة وهتقل الدهون والحبوب فالوش وهيقل ظهور تجاعيد الوجه
سابعا هتقل الالتهاب في الجسم وده هيساعد في علاج التهابات المفاصل والآم العظام
فوائد الامتناع عن تناول السكر كتيره جدا وأهمها الوقاية من مرض السكري وعلاج مقاومة الانسولين وضغط الدم المرتفع وارتفاع نسب الكوليسترول وهم أشهر الأمراض المزمنه في عصرنا
#التوقف_عن_السكر
#علاج_مقاومة_الانسولين
#زيادة_معدل_الحرق

شكرا لمتابعتكم الغالية
تحياتي
دكتور محمود الرجاج
برنامج
وقاية مع دكتور محمود

свернуть