Qida Təhlükəsizliyi Agentliyi bu gündən etibarən qida zəncirinin bütün mərhələlərində iştirak edən sahibkarlıq subyektlərinin qeydiyyatının və dövlət reyestrinin aparılmasına başlayıb. Sahibkarlar “ASAN xidmət” mərkəzlərinə və İqtisadi İslahatların Təhlili və Kommunikasiya Mərkəzində təşkil olunmuş Qida Təhlükəsizliyi Agentliyinin "Sertifikatlaşdırma və qeydiyyat" pəncərələrinə müraciət edə bilər.Sahibkarlıq subyektlərinin qeydiyyatı və dövlət reyestrinin aparılması prosesi üç mərhələdə həyata keçiriləcək.
Qeydiyyata alınan müəssisələrə dövlət qeydiyyatından çıxarış təqdim olunacaq. Bu çıxarış müddətsizdir və müəssisə qanunvericiliyin tələblərini pozmadığı və fəaliyyətinə xitam verilmədiyi halda qüvvədə olacaq.sahibkarlar Bakıda 1 saylı ASAN kommunal və 5 saylı ASAN xidmət mərkəzinə, eləcə də iqtisadi islahatların təthlili və kommunikasiya mrəkəzinin nəzdindəki bir pəncərə ixraca dəstək mərkəzinə, bölgələrədə isə regional ASAN xidmət mərkəzlərinə müraciət edə bilər.
İndiyədək qida istehsalçıları məhsulun çeşidinə görə qeydiyyata alınıb. Lakin bundan sonra faktiki ünvan və fəaliyyət istiqaməti əsas götürüləcək. Qeydiyyat üçün lazım olan prosedurlar azalıb, sənədləşmə işləri sadələşib.
