تسجيل بديع
كلمات: جمال عبدالرحيم
لحن وغناء: النور الجيلاني
ـــــــــــــــــــ
قلنا راح مع الأيام .. عدى مني الليلة راح
ما اصلو يا العصفور دا حالك من ما سويت ليك جناح
يعنى كان صارحت مالك .. نحن ما بينا الصراح
كان ضميرنا ارتاح وحاتك وبقى لومنا عليك سماح
. . .
نحن كيف نلوم عصفور حنين مره بقاسي الرياح
ومره تلقاه بغني .. فوق فريعو مع الصباح
مره فى وادي المحنه ومره فى أبعد بطاح
طاوي حريته في جناحه عمره ما مل الرواح
. . .
اطرأ يا عصفور حبايبك وانت فوق حلتنا راحل
جايبك الصيف من ديارك شايلك الشوق للسواحل
فرح أيامنا الحزينة . . بالسلامة تانى واصل
كان نسيت مُوسمنا ديا فى المواسم الجاية حاول

свернуть