Tuesday n’yo ay gawin nating mas romantic! Feels ay tatama–matic–‘pag si Soul Siren, Nina, ang nangharana! Kung na-miss n’yo ang soulful jamming sessions kasama siya, ito na ang chance mo na muling marinig ang kilig hit niya. “Love moves in mysterious ways,” birit ni Nina. Uy! Bet n’yang makikanta!

Ituloy ang feels kasama sina Jillian Ward at Michael Sager na kumasa sa hamon ng pagpili ng tunay na breadwinner. Ang hinahanap for today’s video ay breadwinner na restaurant server.

Observant ang magkapares dahil pati maliliit na kilos ng tatlong trabahador ay nasilip. Si breadwinnable 1, luha ang bala para ma-convince sina Michael at Jillian. Mabilis at pulidong kilos naman ang nakita nila kay breadwinnable 2. Samantala, may ginawa si breadwinnable 3 na nakakakumbinsi.

May sariling paraan sina Jillian at Michael sa pagdedesisyon. Bibilang sila hanggang tatlo at kung pareho sila ng gusto, eh ‘di, it’s a match! Sinubukan din nilang hingan ng opinyon at tulong sa pagkilatis ang co-star nila, si Empoy Marquez. Kasama rin nilang bumisita sina Arra San Agustin, Yasser Marta, at Lianne Valentin.

Hindi man nakatumpak sa hula, feeling winner pa rin sina Jillian at Michael dahil sa inspirasyon na nakuha mula kay breadwinnable 2, Nekka Marjorie.

Sa trabaho ni Nekka bilang waitress, kailangan ng mahabang patience. Maging sa pagiging breadwinner, kailangan ng matinding pasensya, determinasyon, at lakas ng loob. Mahirap man, worth it naman dahil ang sakripisyo niya’y sinusuklian. Nakikita niya ang pagsisikap ng kapatid sa kolehiyo, kaya naman masaya siyang tinutustusan ang pag-aaral nito. At sa oras ng pagkapagal, nariyan ang ina para busugin siya ng pagmamahal.

Ang takdang aralin nina Juliana, Geelzy, at Pia, maghanda ng magandang awitin. Matira ang matibay ang labanan nila sa ‘Resbakbakan’ upang makarating sa ‘Huling Tapatan’ ng Tawag Ng Tanghalan The School Showdown.

Entablado ay nag-alab nang si Juliana Tagalog ay nagpasiklab. “Karakaraka” ni Vice Ganda, kinanta sa TNT stage ng pambato ng University of Mindanao Digos College. Si Meme, may ‘violent reaction’ sa performance ni Juliana?!

Very tasteful naman kung ilarawan ni hurado Nyoy Volante ang romantic at classy na performance ni Geelzy. Pakinggan ang “A Thousand Years” ng panlaban ng Divine Word College of Vigan.

Tulad ni Juliana, nakatanggap din ng standing ovation mula sa mga hurado ang Florentino Torres High School Manila student na si Pia Caduyac, na kinanta ang “Vision of Love.”

Explosive ang performances ng tatlong resbaker, sabi ni Punong Hurado Louie Ocampo. At kung nag-enjoy si Sir Louie sa pagtatanghal ng tatlong mag-aaral, naaliw naman ang madlang people sa joke niya tungkol kay hurado Ogie Alcasid ‘pag tumutugtog ng piano. Nagkapuksaan na nga ang mga hurado!

Matapos ang pagalingan sa tanghalan, si Pia ang hinirang na Top 1. Aabante siya sa next round ng ‘Resbakbakan.’


#ShowtimeTNTSchoolResbak
#ItsShowtimeFullEp
#ABSCBNEntertainment

свернуть