Pista kryesore ku po heton prokuroria për të zbardhur vrasjen mafioze të Aleksandër Sadikajt është ajo e konflikteve të hapura edhe pse shumica e të pyeturve për këtë çështje i kanë mohuar ato.
Forma e atentatit dhe angazhimi i treguar nga autorët për eliminimin fizik të tij me shpërthim të telekomanduar është për hetuesit tregues i përfshirjes së shumë personave.
Burimet i thanë Tv Klan se ndërkohë ngatërrimi i objektivit nuk është një pistë nga hetuesit, sa kohë që edhe të afërm të tij konfirmojnë se makina me të cilën lëvizte zakonisht 27-vjeçari, ishte Golfi i bardhë.
Me ndihmën e Policisë, Prokuroria ka administruar një sërë dëshmish dhe pamje filmike, këto të fundit vijojnë të analizohen me qëllim për të kuptuar vendin ku është vendosur lënda shpërthyese, e cila do të ishte një nisje e mirë për zbardhjen e ngjarjes.
Të njëjtat burime thanë se paralelisht me këtë, disa persona janë vënë në vëzhgimin e Prokurorisë me metoda të përgjimit me qëllim për të arritur identifikimin e ndonjë konflikti që do i çojë në një pistë konkrete. Gjithashtu hetuesit kanë kërkuar pranë kompanive telefonike edhe një listë me numrat e loguar në zonën ku ndodhi ngjarja.
Tv Klan
#konflikte #aleksandersadikaj #vrasja
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
