Saluyu jeung judulna, ieu téh video kuring ulin ka situ Sipatahunan, Balééndah kabupatén Bandung.
Maksudna mah ulin wéh bari nyobaan kamera jeung geus lila teu ulin mawa sapédah lipat, nya olahraga wéh saeutik, sangkan teu jegjreg teuing awak téh.
Sabenerna mah dina waktu shooting na, kuring téh ngocoblak wéh sajajalan, singhoréng sora kuring éléh merdu ku sora lalu lintas anu paduan suara jeung angin, nu ngajadikeun sora kuring kasilep parna wéh. Jadi kuring ngéléhan wéh, rekaman audio na dileungitkeun, ganti ku musik meunang mulungan. Isuk pagéto mah urang cobaan modif heula mik eksternal sangkan teu sensitip teuing.

Kuring maké kamera Akaso V50X dipasang dinu setang sapédah, maké setélan standar kajaba pangaturan Stabilizer na hungkul anu dihirupkeun.

Hampura wéh baraya, lamun video na teu jelas, euweuh daya tarikna, matak kesel anu lalajo, maklum amatiran, jaba kuring mah nyieun video téh keur dokumentasi tempoeun jaga ku kulawarga, anak jeung incu.
Hatur nuhun tos ngalalajoan ieu video nepi ka tamat, komo ka anu klik like share jeung subscribe mah, nuhun na ogé nepi ka nonggéng nonggéng tah 😁

Sakitu anu kapihatur dina poé ayeuna, hatur nuhun kana sagala perhatianna 🙏🏼
#gowes #gowessantuy #gowesantai #gowesuber #gowesbandung

свернуть