بندر العتيبي © القناة الرسمية

الحسابات الرسمية :

سناب : [ Ссылка ]
تويتر : [ Ссылка ]
تيك توك : [ Ссылка ]
القناة الثانية : [ Ссылка ]
الجوال : 00966552428209

جالت البيدا ودارت من الاربع جهات
كن محورها عن الشمس خمس امية قدم
'
أشرقت والقيض ركب وخالفها الثبات ..
وابتهل من يعبد الله ويكفر بـ الصنم ..
'
يطلب الله .. كل ليله بـ الاسما والصفات ..
ويحدا ويولع النار في راس العلم ..
'
من شرب من نهر دجله ومن نهر الفرات
مايبي من عذب الانهار لون ولا طعم ..
'
ياخذ الذمه من اللي يبيعون الحيات
مايدورها من اللي يبيعون الذمم ..
'
المدايح مربط خيول فيه الصافنات ..
تضرب البيدا تلافح وتهذب وتعرم
'
وين خيال العبيه وراع الناصرات ..
اصوكً لاشافه المجد مد ام الشحم
'
فيه للابداع معنى ومغنى والتفات
تكتب الابيات بالمسك ماهو بـ القلم
'
لاذكرت الشيخ فيحان واطريت السرات
كنك تسمي جبال الجزيره بـ بالاسم ..
'
يعتزي في عتق الارقاب ويلم الشتات
كن ماله للمساجين من كثر الكرم ..
'
مدهل اصحاب الفضيله ومركاز الثقات
يجمع اصحاب المهمات واصحاب الهمم
'
'مجلسه لمغربل الوقت تحقيق امنيات
غيث ندراً يجعل الرجل يظهر من عدم
'
والله ماكنه يقيّل ولا كنه يبات
فاتحٍ بيبان بيته ويذبح ويعزم
'
والصياني في وجوب الضيوف مفصلات
تاخذ عيال العشاير مع عيال الغنم
'
عقب شيوخٍ تغذو على نفس السمات ..
لاذكر طاري حداهم (وستين ونعم ) !
'
شيخةٍ ماهيب منصب وختم معاملات
جت بضربٍ فـ الجماجم ورميً فاللحم
'
ياولد من حكم العقل بالراي الثبات
واستمع له خادم البيت وامام الحرم
'
ناصر الشغار خلا بطون الطابعات ..!
تطبع الوحي المنزل على روس القمم
'
هيبة الشغار تخلي / سروج العاديات .
هوج بركان الضلاعين .. نفّاذ الحمم
'
يوم كانت ثروة القوت فالما والنبات ..
والمنايا بوصلتها تدور بلا سهم
'
من يجي قدم الدماسين يبشر بالممات
راح نعمه لـ السراحين من ضمن النعم
'
لاتعلو ضمر الخيل دون المقرعات ..
كم حريبً راح راسه مثل كورة قدم
'
الدماسي يطلق الليل من كف السبات
نور فعله للمفاخر .. يجلي ويحكم !!
'
لاتعزوا قال ابن روق عوق المعضلات
عزوةً نمّن ونرعب ونبني ونهدم
'
سلو الروقه على الموت حد المرهفات
من سلم من شذرة السيف عده ماسلم .
'
الجبال تروح في ناظر الروقي فتات
والهرم لا زمّ ماهوب في عينه هرم
'
والسلام ورحمة الله تعالى وبركات
السميع الباسط الواحد النور العلم

свернуть