Ауғанстанда қаза тапқан Қазақстан азаматының денесін елге қайтару шаралары жүріп жатыр.
Айта кетейік, кеше содырлардың Кабулдағы қонақүйге шабуылы кезінде 1978 жылы туған отандасымыз ажал құшты. Марқұм бұл елге іскерлік мақсатта Ауған компаниясының шақыртуымен барған. Еліміздің Сыртқы істер министрлігі баспасөз қызметінің басшысы Әнуар Жайнақовтың айтуынша, қаза болған азаматтың туыстарына қаралы хабар жеткізілді.
Бұған дейін хабарлағанымыздай, қарулы топ Кабулдағы қонақүйге шабуыл жасап, ондағы жұртты тұтқынға алған. Толоньюс телеарнасының мәлімдеуінше, қарулы қақтығыс кезінде 43 адам көз жұмып, алтауы жараланды. Бірақ Ауғанстан Ішкі істер министрлігі әзірге 18 адамның қаза тапқанын ресми түрде растады. Олардың 14-і шетел азаматы. Лаңкестердің көзі жойылды. Шабуылды Талибан радикалдық қозғалысы мойнына алды. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
