بدر العزي - حاجة جديده (حصرياً) | 2024
Bader Alezzi - Haja Jedeah (Exclusive) | 2024
كلمات : بدر المحيني
تسجيل : عبدالكافي العجمي
توزيع و مكس: أحمد حبيب
فوكال : عبدالمجيد العكاد
تصوير : تركي
فيديو: محمد القحطاني
للتواصل واتساب وطلب التصميم 👇
[ Ссылка ]
الكلمات | Lyrics
تدري اني ما قدرت أنساك بالمرّه مع انّي
كل يوم أحاول أشغل نفسي بحاجه جديده
لكن النسيان شي أكبر من عزومي ومنّي
يا شريط بذاكره راسي وراسي يستعيده
ويش أقول و وش تقول ليا سألوا عنّك وعنّي
مابقالي لأجل أجاوبهم ولا جمله مفيده
أتمنى رجعتك ولا معاي إلا التمنّي
والتمنّي للفقير اللي جَلَس على الحديده
وأبتسم لا مرّ طاريّك على بالي وأغني
إبتسامة طفل جنب أمه يصلي صبح عيده
أنت ياللي منّك دموعي ومنّك ضحك سنّي
ماقدرت أذوق بعدك طعم الأيام السعيده
في وجودك يختلف وياي حتى طعم بُـنّي
في يديك الملح والسكّر تنقّصْه وتزيده
يوم حاولت أمسكك بيدي فشلت .. وخاب ظنّي
آدمي .. والآدمي ماهو بماخذ شي بيده
كل هذا .. ماهو بمعناه مابيك امتهنّي
دايم أدعي لك .. لو يديني عن يدينك بعيده
حبي أكبر من طمع نفسي بدنيا في تدنّي
الطمع ما زوّد ابنادم ولا نقّص رصيده
ولا أنا ساكن بريدك بعد ما حبك سكنّي
كل يوم أخط صفحه ... يارساله ياقصيده
مابقالي من حبيبي شي يرضيني لكنّي
بتشرّف وأعتبر نفسي رساله في بريده
وأنت حاول ماتواخذني على إزعاجي لانّي
كلما قفّلت موضوعك بدا قلبي يعيده
إعرف اني متتّ فيك ليا دفنّي من دفنّي
والحقيقه يفعل الله ما يشاء وما يريده
