Ер Тұран

Музыкасы: "Тұран" этно-фольклорлық ансамблі
Сөзі: Исраил Сапарбаев ("Өртолғау" поэмасынан)

1.Өмір тозып бара жатыр,
Арман озып бара жатыр.
Болашақты қолға алып Тұран,
Болмау үшін заманақыр.
Кімге керек жұмыр басың?
Жұртың үшін туылғасын.
Тұран ұлы қалғымасын!
Тұран туы жығылмасын!

Қайырмасы:

Қайта оралсын ұлы күндер!
Ғұнның Алла ғұмырын бер!
Бөлінгенді бөрі жейді,
Бірігіңдер, бірігіңдер!

2.Кімдер сені құрықтады?
Ер Еділдің ұрықтары!
Қайта ту да, қайсар Ұлан,
Қайта тула, Түрік қаны.
Түрік қаны тулағанда,
Түн қалмайды бұл ғаламда.
Күннің көзі күлім қағып,
Нұр шашады күллі адамға.
Түрік қаны қайнағанда,
Түн қалмайды айналаңда.
Күллі дүние дүр сілкінер,
Күннің көзі жайнағанда.

3.Жыртылғанда ел жағасы,
Қайда қалмас пенде басы?
Есінеме, есіңді жи,
Ей, Тұранның кең даласы!
Көрінбесе ел данасы,
Көрінгенге жем боласың.
Есінеме есіңді жи,
Ей, Тұранның бел баласы!

От пен судан жаратылған,
Дана Тұран, Бала Тұран!
Құтқарыңдар дүниені,
Қара түннің қанатынан.
Шырқын бұзып қара бұлттың,
Шыңға шығар шам алып кім?

Сесі қайда Көкбөрінің?
Көшы қайда Далалықтың?
Желбіреген Туың қайда?
Желкілдеген ұлың қайда?
Тұман қайта сейілмей ме?!
Тұран қайта туылмай ма?!

Қайта оралсын ұлы күндер!
Ғұнның Алла ғұмырын бер!
Тілден қалған әруақтар,
Тіріліңдер, тіріліңдер!
Алдыңда әлі ұлы күндер,
Қайта оралып «Түрігім» - дер.
Бөлінгенді бөрі жейді,
Бірігіңдер, бірігіңдер!

Құтқарыңдар дүниені,
Қара түннің қанатынан.
Шырқын бұзып қара бұлттың,
Шыңға шығар шам алып кім?
Сесі қайда Көкбөрінің?
Көшы қайда Далалықтың?
Желбіреген Туың қайда?
Желкілдеген ұлың қайда?
Тұман қайта сейілмей ме?!
Тұран қайта туылмай ма?!

Қайта оралсын ұлы күндер!
Ғұнның Алла ғұмырын бер!
Тілден қалған әруақтар,
Тіріліңдер, тіріліңдер!
Алдыңда әлі ұлы күндер,
Қайта оралып «Түрігім» - дер.
Бөлінгенді бөрі жейді,
Бірігіңдер, бірігіңдер!


Сесі қайда Көкбөрінің?
Көшы қайда Далалықтың?
Желбіреген Туың қайда?
Желкілдеген ұлың қайда?
Тұман қайта сейілмей ме?!
Тұран қайта туылмай ма?!

Қайта оралсын ұлы күндер!
Ғұнның Алла ғұмырын бер!
Тілден қалған әруақтар,
Тіріліңдер, тіріліңдер!
Алдыңда әлі ұлы күндер,
Қайта оралып «Түрігім» - дер.
Бөлінгенді бөрі жейді,
Бірігіңдер, бірігіңдер!

свернуть