Այսօր, սեպտեմբերի 7-ին, ավտովթար է տեղի ունեցել Երևանում: Ժամը 02:10-ի սահմաններում Երևանի բնակիչ, 34-ամյա Արտյոմ Եղիազարյանը իր վարած «Toyota Camry» մակնիշի 37 RA 777 համարանիշի ավտոմեքենայով բախվել է Իսակովի պողոտայից Կլևերնի կամրջով դեպի Սեբաստիա փողոց տանող շրջանաձև ճանապարհի թիվ 272 էլեկտրասյան դիմացի մայթեզրի բետոնե պատնեշին: Ինչպես հայտնում է ֆոտոլրագրող Գագիկ Շամշյանը, պատնեշին բախվելուց հետո մեքենան դուրս է եկել ճանապարհից և հայտնվել մայթեզրին, ինչի հետևանքով ավտոմեքենայի ուղևոր, 43-ամյա Գեղամ Հարությունյանը մարմնական վնասվածքներով տեղափոխվել է «Մալաթիա» բժշկական կենտրոն, որտեղ ստացել է ամբուլատոր բուժօգնություն:
Մանրամասները` [ Ссылка ]
