О, мæн кæддæр дæ цæстытæ рæвдыдтой,
Дæ уындæй никæд бафсæстæн, чызгай!..
{Фæлæ уæддæр, дæу ардыстæн, нæ зыдтон,
Мæ уарзтæй дард фæлидзынæ тæргай.} x2

Мæ удлæууæн, уæддæр æдзух дæу мысын,
Дæу ферох кæнын не суыдзæн мæ бон.
{Æнкъард сагъæсты химидæг фæтыхсын,
Куыд зæгъон ныр дæ цæстытæн хæрзбон?..} x2

Æз федтон дæу, ды ацыдтæ мæ фæрсты,
Зынæpвæccoнæй ракастæ мæнмæ.
{Æгъуыссæг æхсæв стъалыты фæфæрсын,
Кæмæн зæгъон мæ сау катай, кæмæн?..} x2

Ныфсы ныхас уæларвæй дæр нæ хъуысы,
Мæ хъизæмарæн нал вæййы кæрон.
{Фæлæ уæддæр, о сауæрфыг, дæу мысын,
Дæу ферох кæнын не суыдзæн мæ бон…} x2

свернуть