Piramida e Tiranës ka ndezur dritat dhe i është rikthyer qytetarëve shumë më ndryshe që nga pamja e fundit që ruhej në kujtesë para se t’i nënshtrohej restaurimit. Pas tre viteve punë, ajo është inauguruar jo vetëm për ndërhyrjen rijetëzuese në godinë, por edhe për funksion e ri që do të mbajë si qendra më e madhe dixhitale e Ballkanit.
“Sot, dua të falënderoj pafundësisht të gjithë ata që e kanë bërë të mundur që të mbërrinim në këtë ditë, që Piramida i rikthehet qytetit të Tiranës me një madhështi komplet ndryshe nga më parë, me një përdorim komplet ndryshe nga më pare …Sot ne nuk hapim vetëm një ndërtesë, një stoli, apo një pikë observimi dhe një vend për t’u “instagramuar”, por hapim njëkohësisht dhe qendrën më të madhe digjitale në Ballkan për të rinjtë dhe të rejat e Tiranës dhe të gjithë Shqipërisë”.
Ndërsa Kryeministri Edi Rama, finalizimin e punimeve që nisën në 2021 e quajti pa ngurruar një nga ëndrrat e tij e bërë realitet.
“Kjo është një nga ëndrrat e mia më intensive që sot bëhet realitet. Ka qenë një pikëpyetje e madhe prej shumë e shumë vitesh, që kur unë u bëra ministër i Kulturës dhe kjo quhej qendra ndërkombëtare e kulturës, në fakt ishte një hapësirë në degradim e ndarë me kioska brenda për shërbime të ndryshme dhe ajo që i mungonte ishin njerëzit, ishte jeta e vetë dhe nuk ka qenë aspak e lehtë për të ardhur në këtë zgjidhje dhe në këtë rezultat sepse këto godina që mbartin kaq shumë histori dhe një histori aspak të lehtë për t’u mbajtur si pjesë e kujtesës, gjithmonë ngrenë dilema dhe pikëpyetje të mëdha se çfarë duhet bërë me to”.
“Jo vetëm një ëndërr të realizuar, por edhe një godinë që do të hyja në Guinness”, kështu e cilësoi kreu i qeverisë godinën historike, që dikur u ngrit për kultin e një individi e sot do t’i shërbejë brezave.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
