4 anëtarë të një familjeje nga Patosi u shuan në një aksident tragjik rreth orës 8:23 të mëngjesit të së premtes në aksin Fier – Vlorë në vendin e njohur si “Kripa”.
Viktimat janë Eduart Gushi 44 vjeç, bashkëshortja e tij Silvana 33 vjeçe dhe 2 vajzat e tyre Anastasia dhe Eva, 14 dhe 9 vjeç. Familja sapo ishte kthyer nga Greqia dhe ishte duke shkuar me pushime në bregdet.
Rrethanat e aksidentit janë ende të paqarta, por burime në vendin e ngjarjes thanë se makina e tyre tip Toyota është përplasur me një tjetër automjet tip Audi ku udhëtonin 3 të rinj.
Edhe këta të fundit kanë marrë dëmtime të shumta dhe janë dërguar në spital ku ndodhen jashtë rrezikut për jetën.
Pas goditjes, automjetet kanë dalë nga rruga dhe për familjen nga Patosi ka qenë fatale përplasja me një shtyllë. Siç shihet nga pamjet, makina ku ndodheshin viktimat është shkatërruar tërësisht.
Është dashur ndërhyrja e zjarrfikësve për të nxjerrë trupat nga automjeti. Një grup hetuesish është duke punuar për zbardhjen e rrethanave të aksidentit, por burime në vendin e ngjarjes thanë se të dyja automjetet kanë qenë me shpejtësi të lartë.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
