ՔՈ ՁԱՅՆԸ [ Ссылка ]
Շիրակի մարզպետի պաշտոնում նշանակվելը ԱԱԾ պետի տեղակալ Ֆելիքս Ցոլակյանի համար նորություն չէր: Այս մասին լրագրողների հետ զրույցում ասել է ինքը՝ Շիրակի նորանշանակ մարզպետը: ԳԱԼԱ-ի լրագրողի այն հարցին, թե ինչ տրամադրությամբ է անցնում նոր աշխատանքի, Ֆելիքս Ցոլակյանը պատասխանել է. «Գնում եմ նորմալ տրամադրությամբ»: Վերջինս հայտնել է, որ Շիրակի մարզում, իհարկե, խնդիրները շատ են, սակայն ինքը կփորձի դրանց նախ հերթով ծանոթանալ եւ լուծում տալ: «Դժվարություններ միշտ էլ կան, բայց պետք է նախ ծանոթանանք այդ խնդիրներին»,- ասել է Ֆելիքս Ցոլակյանը: Կազատվե՞ք արդյոք Աշոտ Գիզիրյանի կադրերից, ԳԱԼԱ-ի լրագրողի հարցին ի պատասխան Ֆելիքս Ցոլակյանը ասել է. «Կադրային հարցեր դեռ չեն քննարկվելու, նախ ծանոթություններ, առկա խնդիրների ուսումնասիրում եւ այլն, այդ հարցերը դեռ էական չեն»: Լրագրողներից մեկի այն հարցին, թե` ինչպիսի՞ն են Ձեր հարաբերությունները Շիրակի նախկին մարզպետ Աշոտ Գիզիրյանի եւ նախկին քաղաքապետ Վարդան Ղուկասյանի հետ, Ֆելիքս Ցոլակյանը պատասխանել է կարճ՝ նորմալ է:
