Ўзбеклар ҳимоясига ҳеч ким турмаслигини яхши билади - Москва шаҳридаги “Синергия” Университети талабаси Лочинбек Омонов Россияда ўзбекистонлик меҳнат муҳожирларининг ҳақ-ҳуқуқларининг поймол бўлиниши борасида ўз муносабатини билдирди.

Улар ўз ҳақларини талаб қилиб тортишадиган, вазият чигаллашадиган бўлса, ҳимояларига ҳеч ким турмаслигини яхши билишади. Буни минталитет билан боғлаб индамаслик, босиқлик дейиш мумкин, лекин буни қўрқув дейиш тўғрироқ, - дейди Лочинбек.

Ўзбекистонлик талаба бу ҳолат айниқса, муҳожир ва полиция муносабатларида яққол кўринишини айтади.

Агар, муҳожирлар полиция билан мулоқотда ўзларини ҳимоя қилиб тортишадиган бўлсалар, ҳеч ким уларни қўллаб чиқмайди. Бу масалага диаспоралар ёки ҳуқуқ ҳимоячиларининг ўзлари ҳам эҳтиёткорлик билан ёндошади. Чунки уларнинг ўзлари ҳам ҳимояланган эмас. Расмийлар уларни дастёр деб эмас, айбларини юзига соладиган, ўзларига қарши сифатида кўришади. Консуллик ёки элчихонадагилар улар билан изчил ишламайди.

Талабага кўра, мазкур масалани қўшни давлатлар билан таққослаганда, қирғизистонлик ва тожикистонлик муҳожирлар Россияда ўзларини анчайин эркин тутишади.

“Сабаби уларни давлат расмийлари, консулликлари ўз ҳимоясига олган ва ҳар қандай вазиятда ўз фуқаролари учун туриб беришади”.

Лочинбек билан Москвадаги мухбиримиз Соҳиба Ҳаёт гаплашган. Суҳбатимизни кўринг. Агар, ҳозир Россияда бўлсангиз, бу борада сиз нима дейсиз? Лочинбекнинг фикрларига қўшиласизми?

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: [ Ссылка ]

свернуть