«Սե՛րժ ջան, քո մասին պետք է միանշանակ ասել՝ դու էղել ես Ղարաբաղի բանակի, Հայաստանի բանակի արմատում կանգնած մարդ, որը որ իր ձեռքերով, իր ներդրումով, իր գիտելիքներով, իր համբերությամբ, համբերատարությամբ, վերջապես՝ իր տաղանդով շատ մեծ, շատ, չափազանց մեծ, անգնահատելի մեծ բան ես արել մեր բանակի ձևավորման համար։ Եվ դու այն նախարարն ես, որը բանակը հասցրեցիր էն վիճակին, որից հետո արդեն նախարարի անձը կարևոր չի։ Դու կարողացար ստեղծել էդ սիստեմը, կարողացար ավարտին հասցնել ցիկլը, դու կարողացար ստեղծել հրաշալի թիմ, և էս օղակում, էս մեխանիզմի մեջ բոլոր ատամնանիվները իր տեղում շատ լավ աշխատում են, և դա քո ամենամեծ լուման ա։ Ուզում եմ քեզանից խորը-խորը շնորհակալություն հայտնել որպես ընկեր։ Մենք իրար հետ տեսել ենք շատ դաժան պարտություններ, մենք իրար հետ տարել ենք նաև շատ մեծ հաղթություններ։ Դու և՛ որպես նախարար, և՛ որպես ընկեր կյանքի բոլոր դրսևորումներում էղել ես ծայրահեղորեն ազնիվ, պարկեշտ, և էդ քո բնավորության ամենամեծ գծերն են, որը քեզ հավասարաչափ սիրելի են դարձնում և՛ քո ընկերներին, և՛ քո զինակիցներին, և՛ քո ենթականերին»։
© Վազգեն Սարգսյան

свернуть