Lajme Arkiva 2008
Në Shqipëri pritet hapja e bursave private ku mund të tregohen aksione, si dhe do të çelen fondet e para te investimeve, kjo falë asistencës së USAID. Drejtoresha e këtij programi, Zonja Leeza Timofeeva,tha se ka mjaft interes nga kompani të huaja dhe vendase për t’u bërë pjese e bursës.
Leeza Timofeeva: “Po vazhdojnë bisedimet me një partner strategjik nga Europa Perëndimore, i interesuar për t’u bërë ortak potencial i bursës në Shqipëri. Vitet e fundit institucione financiare apo kompani vendase dhe të huaja janë treguar të gatshme duke theksuar nevojën për krijimin e një burse me mundësi për sukses”.
Gazetari: A është moment i duhur për të bëre aktive bursën dhe cilat do të ishin përfitimet?
Leeza Timofeeva: “Mendoj se kushtet ekonomike në Shqipëri janë pjekur. Bursa ndihmon për zhvillimin ekonomik, sjell investime te huaja, mobilizon kursimet vendase, krijon mundësi për kompanitë në Shqipëri të shtojnë fondet. Me aprovimin e rregullores së re në Tetor, i cila i lejon një burse të krijohet si shoqëri aksionere, sektori privat duhet të kërkojë të licencohet. Mendoj se kjo ka për të ndodhur shume shpejt. Rregullorja e bursës është shkruar nën asistencën e Autoritetit Mbikëqyrës Financiar të Polonisë dhe ne kemi përshtatur disa nga praktikat më të mira Europiane. Ne jemi duke punuar edhe për draftin e parë ligjor për të sjellë fondet e investimeve në Shqipëri, qofshin të huaj apo vendas”.
Ekspertja e USAID-it mendon se krijimi i bursës është një zhvillim pozitiv sidomos për ato shoqëri menaxhimi i të cilave do të përmirësohet kur të listohen në bursë pasi do të bëhen shumë transparente dhe eficente konform standardeve ndërkombëtare. Por në kushtet kur bursat ndërkombëtare janë përballur me jo pak problem. A parashikon rregullorja e re parandalimin e tyre?
Leeza Timofeeva: “Bursa është një institucion i tregut, kështu që aksionet e një kompanie të listuar mund të ngrihen apo të bien dhe kjo shpeshherë reflekton kushtet ekonomike të një shteti. Mund të merren masa mbrojtëse për të ndihmuar bursën të jetë një instrument sa më eficent. Si, mbikëqyrje efektive dhe rregullore të tilla nga Autoriteti Mbikëqyrës Financiar janë shumë të rëndësishme.
Gazetari: Çfarë duhet të përmbushë një kompania për tu bërë pjesë e bursës?
Leeza Timofeeva: “Një shoqëri që dëshiron të listohet publikisht në bursë i duhet të paraqesë pasqyrat financiare sipas standardeve ndërkombëtare të kontabilitetit. Do të duhet t’i raportojë më shumë aksionereve të tyre, kështu pra drejtimi i kësaj shoqërie do të forcohet gjithashtu”./tvklan.al
Gazetari: Fjorald Zguro
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
