Бүгін Үкіметтің кеңейтілген отырысы алғаш рет Президент Қасым-Жомарт Тоқаевтың қатысуымен өтті. Үзіліссіз, үш сағатқа созылған жиында әлеуметті толғандыратын тұрғын үй, атаулы көмек, жұмыссыздық мәселерінен бастап, индустриаландыру, инвестиция тарту проблемалары қызу талқыланды. Тіпті, жұмысы мардымсыз деп танылған бірқатар министрлердің орындарынан тұрып сөз естулеріне тура келді. Ал, инвесторлармен жұмыс жасай алмайтын әкімдерге Президент, өздеріңді «князьдықтың» басшылары санайсыңдар деп ескерту жасады.
