Баклава со ореви и лешници - ружички 🍰✨
Снимив и кратко видео за да ви ја претставам постапката. Микс од лешници, ореви и ванила - за совршен вксус. Направете ја за Нова година или Божиќ и почестете се со вкусен десерт. 🎉
Состојки:
🔹300 г мелени ореви 🌰
🔹200 г мелени лешници 🌰
🔹100 г мелени бисквити 🍪
🔹1 ќесичка ванилин шеќер 🍬
🔹400 г кори за баклава 🥙
🔹200 г растопен путер🧈

За сируп:
🔹700 г шеќер 🍭
🔹1 литар вода 💧
🔹½ лимон 🍋
Подготовка:
1️⃣Во длабока чинија ставете ги мелените ореви, мелените лешници, бисквитите и ванилата. Измешајте ги со лажица за да се соединат состојките. 🥄
2️⃣Филот поделете го на 13 до 14 делови (во зависност од бројот на корите). Ако во пакувањето има 13 кори, ќе ви биде потребно 50 г фил за секоја кора.
Земете една кора, попрскајте ја со растопениот путер, а потоа со помош на силиконска четка премачкајте ја кората. Врз кората распоредете 2 лажици од филот. 🌟
3️⃣Врз филот ставете втора кора и премачкајте ја со путерот. Ставете од филот. Од пократката страница завиткајте ги корите во форма на ролат. 🔄
4️⃣Краевите од кората отсечете ги, а потоа исечете парчиња со дебелина по желба. Најдобро е да бидат дебели околу 1,5 см. На овој начин ќе добиете околу 14 парчиња баклава. 📏
Постапката повторете ја со сите кори.
5️⃣Тавата за печење (правоаголна, големина 40) премачкајте ја со растопен путер и наредете ги парчињата баклава. Парчињата премачкајте ги со растопениот путер. 🍽️
Баклавата печете ја во загреана рерна на 200 степени за време од 15 минути, а потоа намалете ја температурата на 150 степени и продолжете со печењето уште 40 минути. 🔥
6️⃣Кон крајот на печењето пригответе го сирупот. Во тенџере на оган ставете ги водата и шеќерот да се варат. Штом шербетот зоврие, намалете ја температурата и варете го 5 до 6 минути. ⏳ Додајте го лимонот исечкан на кругови и продолжете со варењето уште 4 до 5 минути. 🍋
7️⃣Топлите ружички се преливаат со топлиот шербет. Во тавата додајте ⅓ од шербетот и почекајте да се впие течноста. Потоа повторно додајте од шербетот и почекајте да се впие. На крајот треба да ви остане 200 мл шербет. 🥣
Штом баклавата се излади послужете ја. На здравје! 🥂 #balkan #food #christmas #recipe #новагодина #божиќ #baklava #ruzicki #баклава #cooking #рецепт

свернуть