#müharibə #savaş #rusiya #nato #russia #nüvə #raket #bomba #dünya #planet #silah #fəlakət #todaypress #todaypresstv #xəbərlər #sosial #siyasət #idman #maraqlı #iqtisadiyyat #faydalı #sonxəbər #gündəm #aktual #news #video
Son günlər baş verən hadisələrin gedişatına diqqət etsək, Üçüncü Dünya müharibəsinin o qədər də uzaqda olmadığını görərik. Belə ki, son gəlişmələrə görə, Polşa Belarusla sərhədi qorumaq üçün “Təhlükəsiz Podlasie” adlı yeni xüsusi əməliyyat keçirəcək. Bu məqsədlə 17 minə yaxın hərbçini sərhədə toplayacaq. Digər tərəfdən Almaniya Rusiya ilə sərhəddi gücləndirir. Hətta bəzi məlumatlara görə, yaxında NATO-nun bu bölgədəki hərbi personalının sayı 800 minə çatdırılacaq. Polşa prezidenti Anjey Dudanın açıqlaması isə səsləndirilən iddiaları daha da qüvvətləndirdi. Onun sözlərinə görə, Şimali Atlantika Alyansı artıq Rusiya ilə potensial silahlı münaqişəyə hazırlaşır.
Politoloq Elçin Xalidbəyli hadisələrin gedişatını TodayPress-ə şərh edib. O, qeyd edib ki, Üçüncü Dünya müharibəsi çoxdan başlayıb və bunun real təzahürü Ukrayna savaşıdır:
“Bu savaşda bir tərəfdən Rusiya digər tərəfdənsə, Ukraynanın timsalında ABŞ və onun yaxın müttəfiqləri, NATO ölkələri iştirak edirlər. Belə ki, Ukrayna ordusu NATO üzvlərinin silah-sursatı ilə bu savaşda iştirak edir. Eyni zamanda Qərb ölkələri Ukraynanı maliyyə cəhətdən təmin edirlər. Bu faktiki olaraq passiv şəkildə NATO-nun Ukrayna savaşında iştirak etdiyini göstərir. Bu da Üçüncü Dünya müharibəsinin başlanğıc fazasıdır. Onun aktiv fazaya keçib-keçməyəcəyi isə NATO ölkələrinin hərbi əməliyyatlarda Rusiyaya qarşı birbaşa iştirak etmək qərarı verməsindən asılıdır. Bu hər an baş verə bilər”.
Analitikin qənaətincə, Üçüncü Dünya müharibəsinin başlaması bütün dünya üçün fəlakətə çevriləcək. Çünki Üçüncü Dünya müharibəsi istənilən halda nüvə savaşına çevrilə bilər. Bu da nəticədə bəşəriyyət üçün azruolunmaz nəticələrə gətirib çıxaracaq:
“Rusiyanın NATO dövlətləri ilə ümumi şəkildə müharibə aparması üçün o qədər də imkanı yoxdur. Moskva savaşda uduzduğunu hiss etsə və məğlubiyyətdən qaça bilməyəcəyinə əmin olsa, onda nüvə silahına əl atacaq. Bundan sonra onun özünə də nüvə zərbəsi endirilə bilər və nəticədə nüvə müharibəsi yarana bilər”.
Politoloq əlavə edib ki, ssenari necə olursa, olsun belə bir müharibədən yalnız Rusiya və onunla vuruşan ölkələr deyil, digər dövlətlər də böyük zərər görəcək. Bütün planet yararsız vəziyyətə düşəcək.
