Құрылысы жүріп жатқан Алматы метросындағы жұмысшылар наразылығынан кейін қылмыстық қудалауға түскен құрылтайшы ел алдына шықты. Арнайы баспасөз мәжілісін берген Қайрат Рейімов Алматы полициясының тергеу жұмыстары қамауға жалғаса ма деп қауіптенеді. Өзіне тағылған айыптар мен «Алматыметроқұрылыс» компаниясы айналасындағы дауға қатысты пікірін де білдірді. Ал Алматы полициясы тергеу ісі «Алматыметроқұрылыс» емес, «Инженерная поддержка» компаниясына қатысты дейді.
