Ermənistan Baş Naziri BBC-nin ‘Çətin söhbət’ (‘Hard Talk’) proqramında qonaq olub.

Azərbaycan 24 xəbər verir ki, aparıcı Stephen Sackur proqramda Paşinyanı çətin vəziyyətə salıb.

Aparıcı Tovuz hadisələrinin Ermənistanın təxribatı olduğunu bildirib, Paşinyan hakimiyyətə gələrkən ona böyük ümidlər olduğunu, lakin ümidlərin boşa çıxdığını deyib. Paşinyanın ‘Qarabağ Ermənistandır’ sözlərini xatırladan aparıcı ‘Sizin sələflərinizdən nə fərqiniz oldu ki?’ deyib. Qarabağın qədim erməni torpağı olduğunu iddia etməyə çalışan Paşinyanın sözünü kəsən BBC aparıcısı ona BMT-nin qətnamələrini xatırladıb və Qarabağın Azərbaycan ərazisi olduğunu bildirib.

Aparıcı Paşinyana ermənilərin müharibə zamanı azərbaycanlılara qarşı hərbi cinayətlərinə görə üzr istəməyi təklif edib, bir neçə dəfə israr etsə də baş nazir söhbətdən yayınıb.

Proqramda həmçinin Paşinyan hökumətinin koronavirus siyasətinin də tam iflasa uğradığı bildirilib.

свернуть