“Një armatë, e barasvlefshme me armatën e një shteti 10 herë më të madh se Shqipëria”. Kështu u shpreh kryeministri Edi Rama për numrin e të punësuarve në sistemin e ujësjellësave në Shqipëri. Ai u shpreh se mes të punësuarve ka edhe punonjës që nuk kanë lidhje me profilin, ndërsa ka të tjerë që nuk janë fare në Shqipëri, por gjithsesi rezultojnë në listëpagesa..
“Si mund të vazhdojë kështu kjo histori? Si mundet këta drejtorë ujësjellësash të jenë në punë akoma dhe si mundet që numri i të punësuarve në ujësjellësat e Shqipërisë është sa një armatë e ndonjë shteti që është 10 herë më i madh se Shqipëria. Fjalët të gjitha, janë thënë. Është koha për të vepruar dhe natyrisht që siç folëm për mbetjet edhe në këtë drejtim qeveria nuk do të rrijë më në pozitën e thjeshtë dhe vetëm financuesit të këtyre shërbimeve, por do të përfshihet aktivisht në këto shërbime. Nuk do të lejojmë më që paratë e popullit shqiptar të abuzohen në këtë farë feje nga keqqeverisja ekstreme e këtij sektori dhe nga vijimësia e inercisë së shpërdorimit të të ardhurave. E para, duke paguar si punonjës ujësjellësash njerëz që nuk kanë lidhje fare me profilin. Madje deri edhe njerëz që nuk janë fare në Shqipëri dhe rezultojnë në librat e pagave të ndërmarrjeve, prej vitesh e vitesh. Nga ana tjetër duke pasur këtë lloj formacioni gjeologjik, shtresa e burimeve njerëzore, kjo përkthehet në mosprerje të shërbimit për debitorë dhe në rezultate të paimagjinueshme arkëtimi. Siç është në këtë aspekt kampione Bashkia Kavajë, 31% arkëtim. Ndërkohë që ka edhe këtu diferenca. Edhe më të mirët prapë janë në pozitë shumë të disfavorshme. Këtu është një problem administrimi dhe keqqeverisje. Është kronike. Është një sëmundje kronike e shumë e shumë viteve, por nuk mundet më ta pranojmë si të tillë dhe të mos ndërhyjmë për ta përmbysur këtë tendencë. Është tendencë e një kanceri agresiv që përpin çdo vit nga organizmi i shtetit të ardhura marramendëse dhe në fund rezulton si një ofendim i madh për ata qytetarëve që paguajnë”, tha Rama./tvklan.al
#EdiRama #kryebashkiaket
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
