Бірінші сыныпқа барған балаңыз ағылшынша шүлдірлеп тұрса таңқалмаңыз. Өйткені жаңа оқу жылында ағылшын тілі 1-ші сыныптан бастап оқытылатын болады. Білім және ғылым министрлігі үш тұғырлы тіл саясатын іске асырудың төте жолы осы деп отыр.
Білім және ғылым министрі Бақытжан Жұмағұлов апатты жағдайдағы және үш ауысымды мектептердің қатарын сейілте алмай үкіметтен сөгіс естігенін мойындады. Министрдің айтуынша, елімізде 73 мың 500 оқушы бір партаға үшеулеп отыруға мәжбүр. Яғни орын жетпейді. Ол аз десеңіз, білім ұяларындағы қазақ тілінің де халі мүшкіл.

свернуть