اهتزت أوروبا من اول صاروخ بالستي روسي
صاروخ "أوريشنيك" الفرط صوتي يزلزل العاصمة الأوكرانية كييف
وبوتين يخرج ف خطاب عاجل ومفاجئ يفرض شروطه على أوروبا..
قال القيصر:
روسيا ستدخل الصاروخ البالستي "أوريشك" في القتال
لا توجد أنظمة دفاعية في العالم يمكنها أن تعترض المنظومة الصاروخية الروسية الجديدة.
سنواصل استخدام الصواريخ الباليستية التي تفوق سرعتها سرعة الصوت ولدينا مخزون كاف من الصواريخ الباليستية.
قرار إنتاج المزيد من الصواريخ البالستية اتخذ بالفعل
قرار استخدام الصواريخ البالستية جاء بسبب التهديدات التي نتعرض لها
لدينا كمية كافية من الصواريخ البالستية
لا أحد آخر في العالم لديه سلاح مثل الصاروخ الباليستي الروسي
أمريكا فهمت رسالة الكرملين
واخطر حاجة قالها بوتين
من حقنا ضرب الدول التي تستخدم أوكرانيا أسلحتها.. ومستعدون لكل السيناريوهات.. يعني روسيا للمرة الاولي من السبعينات بتهدد انها هتستهدف أمريكا وبريطانيا لو استمر الموقف بالشكل دا
ـــــــــــــــــــــــــــ
مهم قبل ما نشرح الأبعاد السياسية نفهم ليه إطلاق الصاروخ ده كان نقطة تحول في الحرب
ويعني ايه صاروخ فرط صوتي؟
الصواريخ الفرط صوتية هي تكنولوجية جديدة في عالم الصواريخ، تم تطويرها من الصواريخ العابرة للقارات..
التكنولوجيا اللي تم تطويرها دي خلت سرعة الصواريخ بتتراوح مابين 5 إلى 10 أضعاف سرعة الصوت، ومش بس كده.. دي الصواريخ الفرط صوتية مش بتاخد مسار قوسي في إصابتها للهدف زي الصواريخ الباليستية التقليدية، لأ.. دي أصبح في إمكانها المناورة والمراوغة واتخاذ مسارات متعددة ومتعرجة والطيران على ارتفاعات عالية ومنخفضة حتى إصابتها للهدف..
زي ما بتوضح الصورة أمامكم..
السرعة الشديدة للصواريخ الفرط صوتية، والمسارات المتعرجة اللي بتاخدها أثناء إصابتها للهدف، خلوا مسألة اعتراضها من قِبل الدفاعات الجوية أمر شبه مستحيل ومعقد جدا.. عشان كدا بيتم وصف الأسلحة الفرط صوتية بأنها أسلحة استراتيجية، وأسلحة المستقبل لدقة تمكنها من إصابة الأهداف ولشدة سرعتها وقدرتها التدميرية..
حالياً عندنا 3 دول بتقدم طرازات مختلفة من الصواريخ الفرط صوتية.. هي أمريكا والصين وروسيا.. الـ 3 دول دي بينهم حالياً سباق تسلح في مجال الصواريخ الفرط صوتية، وللمفارقة أمريكا بتتذيل السباق الحالي .. يعني هناك تقدم كبير جدا للصين وروسيا على أمريكا في المجال ده..
وعشان كده أصبح عندنا نوعين من الصواريخ الفرط صوتية..
النوع الأول صواريخ كروز "جوالة" فرط صوتية، وهي عبارة عن صواريخ باليستية عادية لكن مطور عليها تكنولوجيا بتسمح لها بالتحليق بسرعة تتجاوز سرعة الصوت من 5 إلى 10 أضعاف،
كمان بتعمل بالطاقة الصاروخية خارج الغلاف الجوي، وبتنتج قوة دفع أثناء تحركها باستخدام غاز الأوكسجين عبر محركات خاصة للحفاظ على مساره وسرعته..
أما النوع التاني والأخير من الصواريخ الفرط صوتية، هي المركبات الانزلاقية، وهي عبارة عن مركبات بالشكل اللي في الصورة أمام حضراتكم، و دي بيتم اطلاقها من الفضاء الخارج يبواسطة صاروخ قبل إنزلاقها باتجاه هدفها..
في النوع ده بيتم تثبيت مركبة انزلاقية على صاروخ باليستي بيقوم بنقلها إلى الفضاء الخارجي.. وفي الفضاء الخارجي بتنزلق المركبة بسرعة فرط صوتية باتجاه هدفها مستغلة طاقة الوضع..
عندنا أمثلة على المركبات الانزلاقية زي المركبات الانزلاقية الصينيةDF-ZF.. و دي مركبات انزلاقية طورتها الصين في العام 2019،والمركبة الانزلاقية الروسية أفنغارد واللي طورتها روسيا في العام2018 وبتصل سرعتها إلى 27 ضعف سرعة الصوت..
المركبة الانزلاقية افنغارد وصفها بوتين بأنها سلاح لا يُقهر، فه يقادرة على حمل رؤوس نووية، ويصل وزنها إلى 2000 كج،ومداها بيصل إلى 6 آلاف كم..
نلاحظ إن الصين وروسيا نجحوا في تطوير المركبات الانزلاقية بسرعة أكبر من الولايات المتحدة اللي مازالت متخلفة في المحال ده قياسا على ما حققته الصين وروسيا حتي الآن..
كده يبقي وضحنا نوعين الصواريخ الفرط صوتية.. النوع الأول باليستي جوال، والنوع الثاني مركبات انزلاقية بتنزل على أهدافها من الفضاء الخارجي بأضعاف سرعة الصوت..
عبقرية برنامج الصواريخ الروسي انه مخلي روسيا مش محتاجة أصلا النووي عشان تحسم الحرب مع نص دول الكوكب .. روسيا محتاجة النووي مع الدول النووية بس .. ولكن دول البلطيق ولا أوروبا الشرقية واولهم بولندا ولا حتى حسم معركة كييف وتسويتها بالأرض قبل التقدم البري كل دا ينفع عادي جدا بغربلة محترمة بالصواريخ البالستية..
احنا اتربينا وكبرنا انه اللى جاى نووي ومحترمناش الأسلحة اللى تبان اقل بس قادرة تعمل نفس المفعول من غير ما يتاخد ع روسيا انها استخدمت النووي او تجاوزت اتفاقيات الردع النووي المتبادل او قواعد الاشتباك اللى بيعود تاريخها لما بعد الحرب العالمية الثانية وبدء الحرب الباردة أواخر اربعينات القرن العشرين
امبارح كان يوم حاسم للحرب
🚨 ضروري الاشتراك في قناة اليوتيوب لمشاهدة الحلقات الجديدة حصريا فور نزولها قبل أي مكان تاني من هنا: [ Ссылка ]
للتواصل والإعلانات: ahmedsafwat20242025@gmail.com
