تاريخ السينما المصرية / اول شريط سينمائي مصرى
انتاج اول شريط سينمائى ف مصر
اسكندرية كان عايش فيها اجانب مقيمين او اتولدوا فيها .. كان فيه ارمن واتراك و ايطاليين شغالين ف التجارة و منهم اللى عنده مهنه و منهم اللى شغال ف صناعة صغيره و كان فيه اللى شغال ف مجال التصوير الفوتوغرافى .... بس الايطاليين كانوا شاطرين ف المهنة دى.... و من اشهر الاجانب اللى شغالين ف المجال ده الشريكين ( امبرتو دوريس الايطالى ) و ( عزيز بندرلى التركى ) اللى كانوا بيملكوا ستوديو تصوير فوتوغرافى و بيتاجروا ف الادوات الخاصة بالتصوير و الاسطوانات و الجراما فون ...و اشتهروا بسمعتهم الطيبه ... فبقوا مصورين للطبقات العاليه و المدارس الخاصة الشهيرة زى سان مارك و كلية سانت كاترين و انفردوا بتصوير كل انشطة العيله المالكة و الخديوى عباس حلمى الثانى ...و كان بيساعدهم ف الاستوديو طفل عنده 10سنين .. اسمه الفيزي اورفانيلى مولود و مقيم ف اسكندرية و من اصول ايطالية ..خلينا فاكرين اسمه لان هايبقاله شأن كبير بعدين هانتكلم عنه ف حلقة خاصة
وف 5 نوفمبر 1906 افتتحوا دار عرض سينمافون عزيز و دوريس اللى بقت سينما ستراند بعد كده
سنة 1907 قدر عزيز و دوريس انهم ينتجوا اول شريط سينمائى ف مصر عنوانه جناب الخديوى للمعهد العلمى بمسجد ابى العباس وكان موضوعه زيارة الخديوى عباس حلمى الثانى لمعهد المرسى ابو العباس و نجحت اول تجربة ف انتاج اول شريط سينمائى مصرى ... بعد كده اتعمل شرايط سينما لمناسبات رياضية ق مدرسة الفريد ف كنيسة سانت كاترين ف المنشية الصغرى ...و مدرسة سان مارك بالشاطبى و فضل الشريكين يصنعوا شرايط بعديها .. سجلوا احداث وطنية عن استقبال السلطان ف محطة اسكندرية و تصوير الموكب لحد راس التين .. و صوروا استقبال البطل الوطنى عزيز المصرى ابو الثوار ضد الاحتلال ...سجلوا مناسبات زى تصوير افتتاح سينما امباير اللى حضرها نجوم و نخب المجتمع ..
أول سينما في اسكندرية ـ حكاية أول تصوير سينمائي لمناظر مصرية
[ Ссылка ]
------------------------------------------------------------------------------------------------------------------------------------------------------
#SeliemPro
#السينما
#السينما_المصرية
#أفلام
#مصر
#فيلم
#عالمي
