Opozita këtë të enjte u përpoq në dy fronte për të bllokuar seancën plenare. Jashtë godinës së Parlamentit, deputetët e PD-së u përballën me një kordon metalik të vendosur nga Garda e Republikës, e cila kishte marrë urdhër të mos lejonte deputetët e përjashtuar të futeshin në sallën e Kuvendit.
Socialistët ndërkohë në orën 10:00 ishin të gjithë në sallë dhe kryeparlamentja nisi seancën e vendosur për ta zhvilluar në normalitet. Por vendosmëria e saj për të zhvilluar seancë normale u përball me vendosmërinë e opozitës për ta bllokuar me çdo kusht atë.
Deputeti Petrit Doda, ndër të parët që hyri në sallë, ndërtoi në foltore një barrikadë me karrige. Më pas dy deputetet Elda Hoti dhe Albana Vokshi, që kishin arritur të hynin në sallë, u përpoqën të pengojnë kolegët socialistë të merrnin fjalën. Madje dhe deputetin e opozitës Agron Shehaj të mbante interpelancën e kërkuar me Ministren e Mjedisit.
Tensionet u shtuan kur Elda Hoti hodhi në drejtim të socialistëve një solucion që sipas kryeparlamentares mund të ishte benzinë.
Elisa Spiropali: Zonja Hoti ndalni aktet tuaja të rënda! Është vepër penale. Dilni jashtë nga Parlamenti!
Ministri i Brendshëm paralajmëroi kallëzim penal për këto akte që po rrezikojnë jetën e deputetëve.
Ervin Hoxha: Do të bëjmë një kallëzim penal drejtuar Prokurorisë.
Por opozita tha se bëhej fjalë per parfum dhe akuzoi shumicën se po vriste parlamentarizmin duke mos lejuar deputetët e opozitës të futeshin në sallë.
Fatmir Mediu: Kjo është një situatë jashtëzakonisht e rëndë, e turpshme. Nuk ndodh në asnjë vend të BE-së e aq më tepër në vende që aspirojnë BE-në.
Elisa Spiropali: Deputetët, të cilët janë të përjashtuar për shkak të akteve të rënda të dhunës që ka ndodhur në këtë sallë seance dhe jashtë, sigurisht që nuk mund të hyjnë. Të gjithë deputetët e tjerë janë të mirëpritur të hyjnë.
Edhe pse shumë të pakët në numër, deputetët e opozitës që ishin në salle ia dolën të bllokojnë kreun e KLSH-së të lexonte raportin vjetor të punës së këtij institucioni.
Më pas, kryeparlamentarja ndërpreu për disa minuta seancën pasi në sallë u thirrën ekspertë për të marrë mostra nga lënda që u hodh nga deputetja Hoti.
Elisa Spiropali: Të verifikojnë se çfarë ishte lënda që u hodh në Kuvendin e Shqipërisë.
Situata u qetësua pas pushimit dhe socialistët, pa praninë e opozitës dhe të pashqetësuar votuan për të gjitha çështjet në rendin e ditës.
Jashtë demokratët vazhduan protestën. Dashnor Sula, që për afro 2 ore tentoi të çante kordonin, leu me benzinë dhe dogji xhaketën e tij.
Situata u tensionua më tej kur protestuesit e përjavshëm demokratë para Bashkisë së Tiranës iu drejtuan Parlamentit dhe u bashkuan me të zgjedhurit e tyre. Deputetët e opozitës u përplasën me punonjësit e Ndërhyrjes së Shpejtë.
Përleshjet mes të dyja palëve vijuan disa minuta derisa punonjësit e Gardës nxorrën jashtë oborrit të Parlamentit Forcat e Ndërhyrjes së Shpejtë.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!