Астанадағы қымбат тұрғын үй кешендеріне терезе салған 30-дан астам жұмысшы еңбек ақыларын екі жылдан бері ала алмай жүр. Жұмысты істеткен құрылыс компаниясы соңында келіскен ақшаны бермей кетті дейді шағымданушылар. Күнде ертең деген ертегіге сенуден қалдық деген жігіттер қарызға батқандарын, күнкөрістің қиындағанын айтады. .
Бұл жұмысшылар үш жыл бұрын елордадағы элиталық тұрғын үй кешендері мен бизнес орталықтың терезесін салған. Құрылыс компаниясының басшылығы 30-дан астам жігітке жұмыс аяқталған соң төлем жасалады деп сендіріпті. Қымбат баспаналар пайдалануға берілді. Жұмыс қабылданды. Бірақ келіскен еңбек ақымыз сол күйі төленбеді дейді тауы шағылған азаматтар.
АРМАН РАХМАНОВ, жұмысшы:
– Уже 2 жыл болды ақшаны күтіп жүргенімізге. Әне-міне деп созып жүргеніне 2 жыл болды. Келісімшарт жоқ бізде, ауызша келіскенбіз.
РАУАН СҮЛЕЙМЕНОВ, жұмысшы:
– 1 тиын ақша көрген жоқпыз. Ертең, ертең деп жүргеніне 3-4 жыл өтіп кетті уже. Ана жақ бермей жатыр, мына жақ бермей жатыр деп бізді алдайды. Ал біз ана жақтағылардан сұрасақ, біз полностью құтылғанбыз деп алдайды.
Екі компанияның табалдырығын тоздырып шаршаған жұмысшылар қарызға белшеден баттық деп қынжылады. Олар ауызша келіскен серіктестіктің кеңсесіне бүгін тағы келді. Алайда тілшілер мен жұмысшыларды көрген компания басшысы көлігін отырып, кетіп қалды.
Мердігер компания басшылығының ұялы телефондарына да хабарластық. Бірақ серіктестік директоры сұхбат беруден бас тартты. Ал, бас мердігер үй мен нысандарды қабылдап, қаражатты жұмысты атқарған компанияға толық аудардық деп отыр.
ҚУАНЫШ КОКУМБАЕВ, «АСТАНА-МЕГАПОЛИС» ЖШС Директорының орынбасары:
– Бізде шарт болған. Сол шарт бойынша біз бүкіл жұмыстарды қабылдадық. Акт выполненных работ бойынша бүкіл ақша төленді. Бүгінгі уақытта біз қарыз емеспіз. Қарыз жоқ екенін дәлелдейтін бізде қағаздар бар. Келісімшарт бойынша бізде ешқандай қарыз жоқ. Екі жақпен қол қойылған атқарылған жұмыс актісі бар.
Жұмысшылар келісімшартқа отырмаған. Соның кесірінен қазір сергелдеңге түскендерін жасырмайды. Күнкөріс қиындады деген тепсе темір үзетін жігіттер еңбек инспекциясы мен құзырлы органдарға арыз жазамыз деп отыр.





Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал

свернуть